ГАМОН

ГАМОН

Мы, безумоўна, знойдзем цябе,
Знойдзем тваю радню.
Ты, хто шыкуе на нашым гарбе,
Тлусьціцца дзень-пры-дню.
Ты зможаш сам разабрацца з сабой,
Шанец такі дамо:
Руля і толькі адзін набой!
Сьмеласьці хопіць мо?

Рэфрэн:

Чуеш, АМОН, надыходзіць гамон,
Войска й мянты туды ж.
Вечная ганьба на вечны ўгамон
І заміж крыжа шыш.

Быў жа адважным бяззбройных біць –
Кучай на аднаго...
Рэзаць жывое, косткі драбіць,
Дзеля каго й чаго?
Супраць народу стаіш на краі,
Ты ўжо не чалавек.
Пляга і роду твайму, і сям’і,
І не адмыцца век

Рэфрэн.

Як усё станецца? Просты адказ:
Час прыбіраць жытло,
Час вымятаць і АМОН і спэцназ,
Час каб усьмеціць зло.
О як смуродзіць хадзячы труп!
Плача па ім турма...
Вока за вока і зуб за зуб –
Іншых шляхоў няма

Рэфрэн.

11-12 жніўня 2020.
Бэрнардаў гасьцінец.

Видео ГАМОН канала Siarzuk Sokalau - Сяржук Сокалаў-Воюш