Майдан: ЖКУУнун Борбор Азиядагы ролу кандай?

Катышуучулар:
ОРОЗБЕК МОЛДАЛИЕВ – коопсуздук маселелери боюнча адис,
ЭМИЛ ЖУРАЕВ – саясат таануучу,
ТАБЫЛДЫ АКЕРОВ – саясат таануучу,
БАКЫТБЕК ЖУМАГУЛОВ – саясат таануучу

Цитаталар:

Беларус президенти Александр Лукашенко:
«Союздаш байланыштардын таяныч түркүктөрүн биздин каршылаштарыбыз такай солкундатууга аракеттенет жана биз өзүбүз да ага жардамдашабыз. Эгер биз баарыбыз бирдиктүү аракет көрсөк, катуу санкциялар да болбойт эле. Европа биримдиги кандай окшош добуш берип, ынтымактуу аракет көрүп жатканын карагылачы! Уюмдун ичиндеги тартип ушундай болуш керек. Бул тартип – макул эместерди дагы бирдей добуш берүүгө мажбурлайт. Бул жагынан алардан үйрөнүш керек, ар бирибиз ар башка аракеттенсек, бизди жеп салышат».

Орус президенти Владимир Путин:
«АКШнын аскерий-биологиялык аракеттери тууралуу биз мурда эле айтып келгенбиз. Бизге жакын аймакта Пентагон ондогон биологиялык лаборатория жана башка борборлорду түзүп алып, жергиликтүү калкты медициналык жактан тейлегендин ордуна башка аракеттерди көрө баштаган. Алардын негизги максаты – биологиялык заттарды чогултуп, өз максатында вирус жана башка ооруларды жайылтуу иштерин изилдеген. Украинада биз ага далил таптык жана мунун баары биздин чек арага жакын аймакта жасалган – Биологиялык куралга тыюу салган конвенцияны бузуп, алар биологиялык куралдын компоненттерин жасаган».

Кыргыз президенти Садыр Жапаров:
«Эл аралык окуялар Бресттен Владивостокко чейин жамааттык коопсуздукту камсыз кылуу максатында кабыл алынган стратегиялык чечимдердин тууралыгын тастыктап турат. Коопсуздук менен байланышкан коркунучтар жана аскердик-саясий тирешүү ЖККУнун чек араларына жакындап калды. Ооган проблемасы дайым биздин көңүлүбүздүн борборунда болуш керек. Санкциялар согушу да бизди тынчсыздандырат. Экономикабыз коронавирустук пандемиядан калыбына келе электе, азык-түлүк менен энергетикалык коопсуздукка, макроэкономикалык жана социалдык туруктуулукка күчтүү санкциялык сокку алды».

Армян президенти Никол Пашинян:
«Былтыр дал ушул күндөрү Азербайжандын аскерлери Армениянын суверендүү аймагына кол салган жана ушундай маселелер чыкканда, эмне кылуу керек экендиги тууралуу Жамааттык коопсуздук кеңеши 2010-жылдын 10-декабрында кабыл алган документке таянып, Армения ЖККУга кайрылганда, Армения менен армян эли күткөндөй мамиле болгон жок. Андан кийин дагы биз – ЖККУга кирген мамлекеттердин бири Арменияга кас мамлекетке курал саткан жана ал курал Арменияга каршы колдонулган. Бул дагы чоң маселе бойдон калууда».

Видео Майдан: ЖКУУнун Борбор Азиядагы ролу кандай? канала Нарын Айып