राज ठाकरेंनी सागर बंगल्यावर घेतली फडणवीसांची भेट

मुंबई : राज्यात आता महापालिका निवडणुकीचे वारे वाहू लागल्याचं चित्र पाहायला मिळत आहे.
प्रत्येक पक्ष आपल्या संघटनेला मजबूत करण्याचा कामाला लागलेला आहे.
यातच महाराष्ट्र नवनिर्माण सेनेचे अध्यक्ष राज ठाकरे देखील आता मैदानात उतरले आहेत.
राज ठाकरे यांनी आज राज्याचे उपमुख्यमंत्री देवेंद्र फडणवीस यांची 'सागर' या त्यांच्या शासकीय निवासस्थानी भेट घेतली. दोघांमध्ये तब्बल तासभर खलबतं झाल्याची माहिती समोर आलेली आहे.
महत्वाची गोष्ट अशी की या भेटीबाबत कमालीची गुप्तता बाळगण्यात आली होती.
त्यामुळे आगामी पालिका निवडणुकीच्या पार्श्वभूमीवर ही भेट महत्वाची मानली जात असून
शिवसेनेत फूट पडल्यामुळे मुंबई महापालिका निवडणुकीतील अस्थिर राजकीय वातावरणाचा पक्षाला कसा फायदा होईल यासाठी मनसेकडून प्रयत्न केले जात असल्याचे सांगण्यात येत आहे.
तसंच आगामी निवडणुकीत भाजपासोबतच्या युतीबाबतची चाचपणी केली जात आहे
का आणि यासाठीच आजची भेट गुप्त ठेवण्यात आली होती का असे प्रश्न उपस्थित केले जात आहेत.
राज ठाकरे यांच्या पायावर सद्याच शस्त्रक्रिया झाली असल्याने फडणवीसांनी राज ठाकरेंच्या तब्येतीची विचारपूस करण्यासाठी 'शिवतीर्थ'वर जाऊन त्यांची भेट घेतली होती.
राज ठाकरे यांनी नुकतीच मुंबईतील रविंद्र नाट्यमंदिरात पक्षाच्या पदाधिकाऱ्यांची बैठक घेतली होती आणि पक्षाच्या सदस्य नोंदणी अभियानाला सुरुवात केली. त्यानंतर आता राज ठाकरेंनी 'सागर' बंगल्यावर फडणवीसांची भेट घेतल्यामुळे चर्चांना उधाण आले आहे.

Видео राज ठाकरेंनी सागर बंगल्यावर घेतली फडणवीसांची भेट канала जन संघर्ष