Liefling

Liefling, jy is soos die see vir my
Ek baljaar in jou dieptes, jou liefde ‘n stroom
En somtyds wonder ek waar gaan ons heen
Is alles net fiksie? Is jy net ‘n droom?

Maar die glimlag in my hart is eg
As ek by jou lê en dit voel so reg
As ons asems een word, jou hart begin te klop hier binne my
Ek maak my oë toe, en ek sien
Hoe liefde, salig, onverdiend
‘n mens se hart kan binnestroom en altyd daar kan bly

Liefling, jy is soos die lug vir my
Ek sweef op jou vryheid
Jou liefde die maan
Vir altyd sal jou wese in my bly
Twee geesgenote, ons pad saam gebaan

Видео Liefling канала Emile Minnie