Ақтөбедегі шошқа фермасының маңынан 200 тоннаға жуық доңыз қалдықтары қазып алынды

Ақтөбедегі дауға айналған шошқа фермасы жабылатын немесе бағытын өзгертетін болды. Бестамақ ауылы тұрғындарының көтерілісінен кейін шошқа өсіретін базаға тексеріс жүргізген билік бүгін шаруашылықтың он жыл бойы ауыл маңайын доңыз қалдықтарымен ластағандығын, санитарлық, ветеринарлық, экологиялық талаптарды мүлдем сақтамағанын растады. Ең қорқыныштысы шаруа қожалығының маңындағы жалғыз ордың бойынан екі жүз тоннаға жуық доңыз қалдықтарын қазып алған.
Шығын көлемі 40 миллион теңгеге есептелген. Ал басқа бірнеше орда әлі қанша қалдықтың жатқаны белгісіз. Себебі қазып үлгермепті. Сондай-ақ, фермадағы шошқаның басы қырық мыңнан аспауы керек екен. Ал мұндағылар 52 мың шошқа мен торай өсірген. Қазір шаруашылықтың үстінен жердің құнарлылығын зақымдағаны және ферма қызметінде қайта өңдеу немесе қалдықтарды жою, дұрыс сақтамау бойынша қылмыстық іс қозғау үшін құжаттар прокуратура мен Алға аудандық ішкі істер бөліміне жіберілді.
НҰРЖАУҒАН ҚАЛАУОВ, Ақтөбе облысы әкімінің орынбасары:
– Кәсіпорынның басшылығымен комиссия өкілдері, облыс басшысы кездесті. Талаптар бұрынғыдай қалды. Қызмет бағытын өзгерту немесе жабу мәселесі бойынша. Кәсіпорын басшысы уақыт сұрады. Сол уақыт аралығында ол өзінің қызметін ары қарай өзгерту бойынша іс- шаралар жоспарын ұсыну қажет. Ол кісі өткен аптада келді. Біз уақыт бердік.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ақтөбедегі шошқа фермасының маңынан 200 тоннаға жуық доңыз қалдықтары қазып алынды канала Информбюро 31