ШҚО-да кәсіпкерлер бизнес дөңгелетудегі қиыншылықтарын тізбектеп берді

Шығыс Қазақстандағы шағын және орта бизнеспен айналысқан кәсіпкерлер жаңадан салған ғимараттарын заңдастыра алмай жүр. Бизнесмендер мемлекеттік сәулет-құрылыс бақылау басқармасынан рұқсат алайын десе, түрлі құжаттарды сұрайды дейді. Ал ол миллиондаған теңге шығын екенін айтқан шағым иелерінің қолданыстағы заң өзгерсе деген өтініштері де бар.
Кәсіпкерлерді қинаған мынадай қосымша салған ғимараттары. Мәселен, шағын ғана мына дүкеннің алдында жапсарлас салынған 3-4 шаршы метрлік кіреберіс. Оны заңдастырайын деген дүкен иесі құжат жинау үшін бір миллион теңге қажет екенін білген.
ҚЫДЫРБЕК САПАҚОВ, Жеке кәсіпкер:
– Бір миллион тұрмайды. Ондай материал да кеткен жоқ. Бірақ жаңағы заңдастыратын адамдардың аппетиттері керемет. Тура шағын бизнесті жұмыс істетпей қылқындырып жатыр. Салық төлейміз. Жұмысшылардың жалақысын төлейміз. Жарық, күзет қызметі тағы бар. Енді қосымша бірдеңе заңдастырайық десек, жан-жақтан қысып жатыр. Жағдай қиын болды.
Осылайша, Аягөз қаласындағы кәсіпкерлер облыс орталығы Өскеменге шабылып әлек. Бұл иелігіндегі үй немесе өзге де нысандардың техникалық құжатын әзірлеп алғысы келгендер. Ал оған шамасы жетпегендер амалсыз үнсіз отырған көрінеді.
ҒАНИ БЕЙСЕБАЕВ, "Құрал қызметі" кәсіпкерлерді қорғау ұйымының төрағасы:
– Бірақ үлкен 15 қабаттық, 20 қабаттық ғимараттың құжатын, жобасын, экспертизасын сұрайды. Сонымен халықты қатты қысып, ешкім заңдастыра алмай отыр. Қарап отыр. Салып қояды. Бірақ заңдастыруға бара алмайды. Өйткені, елде ондай қаражат жоқ.
Ал облыстағы кәсіпкерлер палатасының мамандары заңда алдымен жобалық-сметалық құжат әзірлену қажеттігі жазылған деді.
БАҚЫТЖАН МАЙЖЕРИНОВ, ШҚО Кәсіпкерлер паласының бөлім басшысы:
– Жобалық-сметалық құжаттың бағасы әртүрлі. Өйткені мұнда бәсекелік бар. Бәрі де жеке кәсіпкерлер. Арзанын да табуға болады. Десек те, бұл азаматтардың өтінішін қарап, мәселесін зерттейміз.
Кәсіпкерлер дәл осы заңдағы жобалық-сметалық құжат мәселесін қайта қараса деп отыр. Қосымша салынатын шағын нысандар үшін жеңілдік берілу керек деп санайды.
Жанболат Санияз
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео ШҚО-да кәсіпкерлер бизнес дөңгелетудегі қиыншылықтарын тізбектеп берді канала Информбюро 31