Тұрып жатқан үйіңіздің астында бүтін бір автобус паркі орналасса...

Қарағанды облысы Абай қаласында бес қабатты үйдің бірінші қабатында орналасқан автопаркты он жылдан бері жаба алмай жүрген тұрғындар кімге барып, шағымданып, кімнен көмек сұрарын білмей жүр. Себебі үй астындағы автобустардан шығып жатқан улы газ толық үйді алып кетіп, жарылыс бола ма деп қорқады. Ал бұған алаңдап отырған бірде-бір шенеунік көрінбейді.
ДИАНА САПАРҚЫЗЫ, тілші:
– Мына бес қабатты үйдің бірінші қабатының толығымен автопаркке айналғанына он жылдың жүзі болды дейді тұрғындар. Қазір бұл жер құлыптаулы. Тұрғындардың айтуы бойынша автопарк басшысы таңертең автобустарды шығарып, оларды түнде бірақ кіргізеді екен.
БАҚЫТ ӘЛДУБЕКОВА, тұрғын:
– Подвалдан машинаның автобустың пыльдары, газдары шторлардың терезелердің алдарын қара қылып тастайды. Қазір өзі далада машина өртеніп жатыр, не дай бог мынаның ішінде өртенсе. Менің көшіп кететін ақшам жоқ.
АЙДОС ӘЙКЕНОВ, тұрғын:
– Бізде анау жолы екінші этаждан прорыв болды отоплениядан. Біз кіре алмадық потому что құлып тұрады мынандай кіре алмайсың. Ал түтін бізді постоянно түтін. Газ угарный газ. Атылатын болса, мына жерде қаншама адамдар жарақаттанады.
Бұл үй астындағы автопарктің иесі Беркут Көпбаев. Тұрғындар сөзінше, ол осы Абай қаласын қоғамдық көліктермен қамтамасыз етіп отырған кәсіпкер екен.
ТАМАРА КЛИМЕНКОВА, тұрғын:
– Әкімдікке талай хат жаздық. Бізді ешкім тындамайды.
Біздің түсірілім тобын көрген әкімдік оқиға орнына бірден келді. Айтуларынша, автопарк иесіне ескертпе хабарламасы жіберілген.
СЕРІКҚАЗЫ АБДУЛКАРИМОВ, Абай қаласы ТКШ бөлімінің басшысы:
– Жекеменшік предприниматель Көпбаев. Сол автотұрағына біз уведомление бердік бір апта бұрын. Осы үш, төрт, бес күнде оны шығарады.
Бұл үй астындағы автопарктің ішінде қаладағы қоғамдық автобустар тұрақтағанымен қоса, полицейлер де көліктерін қоятын көрінеді. Ал кәсіпкерге хабарласқанымызда,бұл үй астындағы парктің есігін ашудан бас тартты.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Тұрып жатқан үйіңіздің астында бүтін бір автобус паркі орналасса... канала Информбюро 31