Қос зейнеткердің ақтық сапарға деп жинаған ақшалары жарамсыз болып қалған

Нұрсұлтандық қос зейнеткердің өздерінің ақтық сапарына деп жинаған 690 мың теңге ақшасы жарамсыз болып қалыпты. Қомақты соманы олар бірнеше жыл жинаған екен. Ерлі-зайыпты қаражаттарын қолданыстан шығып қалған 10 мың теңгелік банкнотамен сақтаған. Ал банкнотаның ауысқанын олар кеш естіген. Екі қызына ауыртпалық түсірмеу үшін қариялар ертеңгі күнге өз қаражаттарын өздері дайындап жүрген көрінеді.
Александр Дромов бір бума ақшаның жарамай қалғанын естігендегі кезін осылай еске алды. 8 жыл бұрын зейнеткерлікке шыққан ол 690 мың теңгені қобдишада сақтап келген. Ақшаның жарамсыз екенін дәрі-дәрмекке шетінен алып жұмсамақ болған кезде бірақ білген.
АЛЕКСАНДР ДРОМОВ, Нұр-Сұлтан қаласының тұрғыны:
– Жаназамызға қажет болады деп сақтадық. Одан кейін кемпірім екеуміз жиі ауырамыз. Оның аяғына операция жасату керек, маған да екі бірдей операция қажет. Коронавируспен ауырып қалып дәріге ақша жетпей кетті. Егер ауырмасақ, жинағанымыздың жарамай қалғанын әлі де білмей жүре берер едік.
Зейнеткер жарамсыз боп қалған бір бума ақшаны қойнына тығып Ұлттық банк филиалына да, «Нұр Отанға» да көмек сұрап барған. Филиал заң бойынша ештеңе істей алмаймыз деп бас кеңсеге жіберсе, ал билік партиясынан әлі жауап келмепті.
ОЛЬГА НИКОЛАЕВНА, Нұр-Сұлтан қаласының тұрғыны:
– Дәл қазір осы іске жауапты басшылардан көмек сұраймыз. Мұндай жағдайда қалған біз ғана емес, біраз адам бар екен. Салғырттық таныттық. Бізден де кінә бар.
Ал ұлттық банк зейнеткерлердің мәселесін қараусыз қалдырмаймыз деп отыр. Өйткені 2006 жылдан бері келе жатқан 2000, 5000, 10 мың теңгелік банкноттар қолданыстан шыққалы көмек сұрап келіп жатқандардың қарасы көп екен. Сондықтан «қазіргі айналымдағы ақшаларға айырбастау мерзімін ұзартуға мүдделі. Нақты қандай мерзімге ұзартылатыны туралы мәліметті жақын арада жариялаймыз» деп жауап берді.

Гүлназ Сайлауқызы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Қос зейнеткердің ақтық сапарға деп жинаған ақшалары жарамсыз болып қалған канала Информбюро 31