Дау ушыққан Ақтөбедегі шошқа фермасының иесі Армениядан сәлемін жеткізді

Ақтөбеде дауға айналған шошқа фермасының иесі Гайк Тертерян Қазақстанға Армениядан бейнежазба арқылы сәлем жолдады. Ол өзінің қожалығында санитарлық талаптар мүлдем сақталмады дегенге сенбейтінін жеткізді. Екі ай бұрын Арменияға сапармен кеткен кәсіпкер әуе қатынасының жоқтығынан елге орала алмай отырғанын айтады.
Кәсіпкер тұрғындар жабылуын талап етке ферманың заманауи техникамен жабдықталғанын, ал жылына Алға ауданының бюджетіне миллиондап салық құйып отырғанын айтады. Бірақ үкімет тұрғындар талабын орындау үшін Бестамақтағы шошқа фермасын жабу туралы шешім шығарса, қарсылық танытпаймын дейді. Айта кетейік, Ақтөбе облысындағы бұл қожалыққа қатысты наразылық бірнеше күнге жалғасқан болатын. Қазір Ақтөбенің билігі кәсіпкерге екі: ферманы толық жабу немесе шошқа орнына басқа мал өсіру туралы талабын қойды. Дегенмен Гайк Тертерян торайларды жаппай қыру қауіпті дейді.
ГАЙК ТЕРТЕРЯН, «Парижская коммуна» ЖШС құрылтайшысы:
– Үкімет ферманы қазір жап десе жауып тастаймын. Бірақ ол тез шешілетін шаруа емес. Уақыт керек. Екі жыл әлі несие төлеуіміз қажет. Су мен жем бермей бүгін-ертең қырып таста десе, артынша індет тарауы мүмкін. Ол да қауіпті.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31

Видео Дау ушыққан Ақтөбедегі шошқа фермасының иесі Армениядан сәлемін жеткізді канала Информбюро 31