Қарағандылық шенеуніктердің "креативті" ролигі халықтың сынына ұшырады

Бүгін Президент барып жатқан Қарағанды қаласының билігі өздерінде санитарлық талаптардың сақталып жатқанын креативті түрде көрсетпек болып ролик дайындаған еді. Онда "жолаушылар бір жарым метр қашықтықты сақтайды, автобустар уақытымен жүреді" деп, тіпті сағат-минуттарын да көрсеткен. Бірақ, бұл ролик қала халқының біраз сынына қалды. Өйткені, автобуста кісі көп... Жағдайды біздің де тілшіміз көріп қайтқан еді.
Осыдан бірнеше күн бұрын әкімдік өкілдері тұрғындар үшін автобус трафигін жиілеттік деп, тіпті сараптама да жасаған болатын.
Қазір сағат сегізден он бес кетті. Біз «Восток 5» аялдмасындамыз. Бұндағы тұрғындар қазіргі уақытта автобусқа міну мүмкін еместігін айтып отыр.
ДИАНА САПАРҚЫЗЫ, тілші:
– Қазір сағат сегіз отыз. Біз «Көгілдір тоғандар» аялдамасындамыз. Осындағы жағдайды қазір көрейік. Сегіз отыз «Көгілдір тоғандар» аялдамасы қырық үшінші автобус.
Облыстың бас санитар дәрігерінің 17 қазанда шыққан қаулысы бойынша жолаушылар автобустағы орын санына байланысты кіргізілуі қажет. Алайда бүгінгі картина тұрғындардың орын санынан үш есе асып тұрғанын көрсетеді.
ЕСКЕНДІР ҚАБИДОЛЛА, Қарағанды қалалық Көлік жолдары және жолаушылар тасымалы секторының жетекшісі:
– Адамдарды қалай автобусқа кіргізбей қоямыз? Ол үшін автобустар ішінде жанжал да болды. Кондукторларға тым болмаса бетпердесіз кіргізбеңдер деп жатырмыз.
Шенеунік таңғы сегіздер мен кешкі уақытта тығыздықты бақылау мүмкін емес екендігін өзі де мойындап отыр. Карантин басталғалы санитарлық норма сақталмаған үшін автопарк қызметкерлерінің үстінен он жеті хаттама толтырылған. Қазір Қарағандыда бар - жоғы 350 автобус бар. Шенеунік, алдағы уақытта автобустар санын көбейту жоспары барын айтты. Бірақ, биліктің "автобустар бос" деген роликті не үшін түсіргені со күйі ұғынықсыз қалды
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Қарағандылық шенеуніктердің "креативті" ролигі халықтың сынына ұшырады канала Информбюро 31