VİCDAN MƏHBUSU BƏXTİYAR HACIYEV AZADLIQDA

Gənc fəal, vicdan məhbusu Bəxtiyar Hacıyev şərti olaraq vaxtından qabaq azadlığa buraxılıb. Ali Məhkəmədə hakim Əli Seyfəliyevin sədrliyi ilə keçən prosesdə Bəxtiyar Hacıyevin həbs cəzasının üçdə birini çəkdiyinə görə vaxtından əvvəl azadlığa buraxılmasından imtina ilə bağlı kassasiya şikayətinə baxılıb. Şikayət təmin edilib və onun şərti olaraq vaxtından əvvəl azadlığa buraxılması hökmün dərhal icrası haqqında qərar çıxarılıb. Hacıyev özü kassasiya şikayətinə baxılması prosesində iştirak etməyib.
Az sonra gənc fəalın qabaqcadan planlaşdırılan ikinci məhkəmə iclasına gətiriləcəyi bildirilib.
14 saylı cəzaçəkmə müəssisəsində məhbus həyatı yaşayan gənc bloqçu, Harvard universitetinin məzunu, keçmiş deputatlığa namizəd Bəxtiyar Hacıyev Ali Məhkəməyə gətirilib. O iyunun 4-nə təyin edilmiş ikinci məhkəmə prosesində iştirak edib. Gənc fəal proseduralara uyğun olaraq Bakı Apelyasiya Məhkəməsinin 21 may qərarından verdiyi kasasiya şikayətindən imtina edib.
Həbsdən azad edilən Bəxtiyar Hacıyev birbaşa təmsil olunduğu "Müsbət Dəyişiklik" İctimai Birliyinin ofisinə gələrək onu gözləyənlərlə görüşüb, media üçün açıqlama verib.
Qeyd edək ki, Bəxtiyar Hacıyev 4 mart 2011-ci ildə saxlanılıb, mayın 18-də isə hərbi xidmətdən yayınma ittihamı ilə iki il azadlıqdan məhrum edilib. Lakin o hesab edir ki, həbsinin əsl səbəbi aktiv siyasi fəaliyyətidir. Hacıyev 2010-cu il parlament seçkiləri zamanı saxtalaşdırmaları ifşa edib və sosial şəbəkələrdə buna dair video görüntülər yerləşdirib. Amnesty İnternational Hacıyevi "vicdan məhbusu" kimi tanıyıb.
Buna qədər o, bir neçə dəfə vaxtından əvvəl azad edilməsi üçün məhkəməyə müraciət etmişdi. Ötən həftə isə Bəxtiyar Hacıyev azad olunması üçün prezident İlham Əliyevə müraciət etmişdi.

Видео VİCDAN MƏHBUSU BƏXTİYAR HACIYEV AZADLIQDA канала Obyektiv TV