GƏNCLƏR ƏSGƏR CEYHUN QUBATOVUN ÖLÜMÜNƏ ETİRAZ EDİR

2012 -ci ilin oktyabr ayında Abşeron rayonundan hərbi xidmətə çağırılan 18 yaşlı Ceyhun Qubatov Daşkəsəndəki hərbi hissədə vəfat edib. Xırdalanda yaşayan ailənin tək övladı olan əsgərin anası, qohumları yas içindədir. Əsgərin anası Samirə Qubatova oğlunun döyülərək öldürüldüyünü deyir.
3 gün əvvəl sosial şəbəkələrdə əsgərin meyitinin fotoları yayılıb. Ölüm faktı sosial şəbəkələrdə geniş müzakirəyə və etirazlara səbəb olub. Fotolarda əsgərin üzündə zorakılıq əlamətləri görünür. Bu fakt sosial şəbəkə istifadəçilərində əsgərin hərbi hissədə döyülüb öldürülməsi qənaəti yaradıb.
Tvitterdə hashtag "əsgər ölumlərinə son" adlandırılıb, Facebook da "Əsgər ölümünə son " adlı qrup yaranıb. Həmin qrupa qoşulan gənclər yanvarın 12-də etiraz aksiyası keçirmək barədə müraciət yayıblar. "Əsgər ölümlərinə son" etiraz aksiyasına qoşulmaq istəyənlərin sayı 7 mini ötüb.

Видео GƏNCLƏR ƏSGƏR CEYHUN QUBATOVUN ÖLÜMÜNƏ ETİRAZ EDİR канала Obyektiv TV