Havyaka haadu_Bhoomi devi stuti ಹವ್ಯಕ ಹಾಡು_ಭೂಮಿದೇವಿ ಸ್ತುತಿ (ಸ್ವಾಮಿ ಸರ್ವೋತ್ತುಮಳೆ)

ಹಾಡಿದವರು_ಶಿಲ್ಪಾ ಪ್ರಶಾಂತ ಹೆಗಡೆ ಅಂಬ್ಲಿಹೊಂಡ

ಹಾಡಿನ ಸಾಹಿತ್ಯ

ಸ್ವಾಮಿ ಸರ್ವೋತ್ತುಮಳೆ ಸಕಲ ಜನಕಾಧಾರೆ ಕಾಮಿತಾರ್ಥವನೀವ ಕರುಣ ಭೂದೇವಿ||ಪ||

ಚಿನ್ನಭಂಡಾರಗಳು ನಿನ್ನೊಡಲೊಳೊಪ್ಪುವವು ಇನ್ನೆಂಥ ರತುನಗಳು ನಿಮ್ಮೊಳಡಗಿಹವೋ|ಅನ್ನಪಾನಂಗಳಿಗೆ ಬೀಜಮೂಲವೆ ನೀನು|ನಿನ್ನ ಮರೆತಿಹ ಜನಕೆ ಮುನ್ನ ಸುಖವುಂಟೆ||೧||

ಹರಿಯ ಪಾದದಲುದಿಸಿ ಹರಿಗೆ ವಧು ಎಂದೆನಿಸಿ|ಹರಿಯ ಸುತೆ ಎನಿಸಿ ನೀ ಹರಿಯೊಳಾದೆ|ಹರಿನಾಮ ಸ್ಮರಣೆಯನು ಪೊರೆವ ಧಾರುಣಿ ನಿನ್ನ|ಮೊರೆಹೊಕ್ಕವರ ಮರೆಯದಿರು ಕರುಣ ಭೂದೇವಿ||೨||

ಒಬ್ಬರಾಯನಗೆಲುವೆ ಒಬ್ಬರಾಯನಿಗೊಲಿವೆ|ಒಬ್ಬನಿಗೆ ಮೈಯ್ಯ ನೀ ಕೊಡುವೆ|ಒಬ್ಬರಾದರು ನಿನ್ನ ನಿಜದಿ ತಿಳಿದವರಿಲ್ಲ|ಗರ್ಭದಾಸನ ಹರಿಯೆ ಕೈಲೆ ಕೊಲಿಸಿದೆನಾ||೩||

ಮೂಢನಾದೆನು ನಾನು ಬೇಡಿಕೊಂಬೆನು ಮನದಿ|ನೋಡದಿರು ಅವಗುಣವ ರೂಢಿದೇವತೆಯೆ|ಮಾಡು ದಯವನು ನೀನು ಮನದ ಭಿಷ್ಟವನೆಲ್ಲ| ಪಾಡುಪಂಥವು ಬೇಡ ಪಡೆದ ಮಗನೊಡನೆ||೪||

ಅಂಬುದಿಯ ವಸನಗಳು ಕುಂಭ ಕುಚಗಳಿಗೆರವು|ಸಂಭ್ರಮದಿ ನದಿ ಕಾಲ್ವೆ ನಿನ್ನ ಬೆವರುಗಳು|ಎಂಭತ್ನಾಲ್ಕು ಲಕ್ಷ ಜೀವರಾಶಿಗಳೆಲ್ಲ ತುಂಬಿಕೊಂಡಿರುತಿಹವು ಸಾಂಗಪಾಂಗದಲಿ||೫||

Видео Havyaka haadu_Bhoomi devi stuti ಹವ್ಯಕ ಹಾಡು_ಭೂಮಿದೇವಿ ಸ್ತುತಿ (ಸ್ವಾಮಿ ಸರ್ವೋತ್ತುಮಳೆ) канала Havyaka_Vishesha Haadugalu