Havyaka haadu_ Maale haakiddu ಹವ್ಯಕ ಹಾಡು_ಮಾಲೆ ಹಾಕಿದ್ದು ( ಮಾಲೆಯ ನೀಡಿದಳ್ ಲೋಲೆ ಶಕುಂತಲೆ)

ಹಾಡಿದವರು_ಸುತೇಜಾ ಮೋಹನ ಹೆಗಡೆ ಅಳವಳ್ಳಿ

ಹಾಡಿನ ಸಾಹಿತ್ಯ

ಮಾಲೆಯ ನೀಡಿದಳ್ ಲೋಲೆ ಶಕುಂತಲೆ| ಶೀಲ ಸದ್ಗುಣ ದುಶ್ಯಂತನಿಗೆ| ಬಾಲತನದಿ ಕಣ್ವ ಋಷಿಗಳಾಶ್ರಮದಿ ಲೀಲೆಯಿಂದಾಡಿ ಬೆಳೆದಿಹಳು||ಪ||

ಆನೆ ಕುದುರೆ ಕಾಲಾಳುಗಳ್ ಸಹಿತಲೆ| ನಾನಾ ಮೃಗವ ಸಂಹರಿಸುತಲೆ| ಕನನದಿ ಕಣ್ವ ಋಷಿಗಳಾಶ್ರಮದೆಡೆ| ಗಾಗಿ ಬಂದನು ದುಶ್ಯಂತ ದೊರೆ||೧||

ಕಡಗ ಕಂಕಣವಿಟ್ಟು ಬಡನಡು ಬಳುಕುತ| ಬೆಡಗಿನಿಂದಲಿ ಬರುತಿರಲಾಗ| ಗಿಡದ ಮರೆಯಲಿ ನೋಡಿ ದುಶ್ಯಂತನು| ಮರುಳಾದನು ಶಾಕುಂತಲೆಗೆ ||೨||

ಎಲ್ಲ ಪುಷ್ಪಗಳನು ಕೊಯ್ದು ಶಕುಂತಲೆ| ಮೆಲ್ಲ ಮೆಲ್ಲನೆ ಬರುತಿರಲಾಗ| ನಿಲ್ಲು ನಿಲ್ಲೆಲೆ ನಿನ್ನ ಹೆಸರೇನೆನುತಲಿ| ಉಲ್ಲಾಸದಿ ಕೇಳಿದ ದೊರೆಯು ||೩||

ಎನ್ನ ಹೆಸರು ಶಾಕುಂತಲಾ ದೇವಿಯು| ನಿನ್ನ ಹೆಸರ ಹೇಳೆಂದಳಾಗ| ಕನ್ನೆಯ ಮೃದುನುಡಿ ಕೇಳಿ ದುಶ್ಯಂತನು| ತನ್ನ ಹೆಸರ ಹೇಳಿದನಾಗ ||೪||

ಬಿಸಜ ಲೋಚನೆ ತನ್ನ ವಶವಾಗೆನುತಲೆ| ನಸುನಗುತಲೆ ಕೇಳಿದನಾಗ| ಕುಸುಮನಯನನ ಪ್ರೀತಿಗೆ ಬೆರಗಾಗಿ| ವಶವಾದಳು ದುಶ್ಯಂತನಿಗೆ ||೫||

ಪುಷ್ಪದ ಹೂಮಾಲಿಕೆಯ ಶಕುಂತಲೆ| ಅರ್ಪಿಸಿದಳು ದುಶ್ಯಂತನಿಗೆ| ಒಪ್ಪುವ ಮುತ್ತಿನ ಪದಕದ ಹಾರವ ಅರ್ಪಿಸಿದನು ದುಶ್ಯಂತ ದೊರೆ ||೬||

Видео Havyaka haadu_ Maale haakiddu ಹವ್ಯಕ ಹಾಡು_ಮಾಲೆ ಹಾಕಿದ್ದು ( ಮಾಲೆಯ ನೀಡಿದಳ್ ಲೋಲೆ ಶಕುಂತಲೆ) канала Havyaka_Vishesha Haadugalu