Семейде жалақысыз қалған автобус жүргізушілері жұмысқа шықпай қалып, халықты әбігерге салды

Семейде тағы да жалақыларын ала алмаған қоғамдық көлік жүргізушілері жұмысқа шығудан бас тартты. Бұл жолы «Таксомотор паркі» жауапкершілігі шектеулі серіктестігінің елуден аса автобусы жолға шықпай, таңертеңнен халықты әбігерге салды. Бұған уақытылы төленбеген салық үшін кірістер басқармасының есепшоттарын бұғаттауы себеп болған екен.
Таксомоторный паркі алпысқа жуық жұмысшысына он бес миллион теңге берешек екен. Ал еңбекақымыз уақытылы төленбеді деген жүргізушілер мен кондукторлар жалақысыз жұмысқа шығудан бас тартқан. Автопаркке тиесілі жетпіс төрт автобус жоспар бойынша желіде болуы тиіс болса, бүгін тек соның жиырма үші ғана шыққан. Есесіне қарапайым қараша халық таң атпастан діттеген жеріне жете алмай, аялдамада сағаттап тұрды. Бұл осымен бір айда екінші рет қайталанып отырған оқиға.
СЕРІКҚАЛИ ЖҰМАНОВ, Семей қаласы жолаушылар көлігі және автомобиль жолдары бөлімінің басшысы:

– Қала әкімімен таңертең ерте шығып, сол водительдермен кездесіп,жағдайларын шешіп, айлықтарын сол жерде бір сағаттың ішінде шешіп карточкаларына тастап, сосын сағат бір-екіден бастап автобустар шыға бастады.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Семейде жалақысыз қалған автобус жүргізушілері жұмысқа шықпай қалып, халықты әбігерге салды канала Информбюро 31