Зағип балалардан құралған "Сәт" тобында тосын жаңалық көп

Олар жылт еткен сәулені көру бақытынан айырылған. Бірақ жанары жоқ болса да, көкірегі ояу. Өзгенің өздерін мүсіркегенін емес, өнерлерін түсінгенін қалайды. «Сәт» триосы... Зағип балалардан құралған топта тосын жаңалық көп. Таяуда олар Ресейдің эстрада жұлдызы Диана Гурцкаямен бір сахнада ән салмақ. «Сәттің» саны да қысқарған. Арнамызға арнайы келген талантты топтың жаңалығымен Ирина Советжанқызы бөліседі...
Қайтер едік, өмірге келмегенде,
Көнеміз ғой, қайтеміз, көнбегенде,
Төземіз ғой, қайтеміз, төзбегенде...
Олар ән айтып, сахнаға алғаш шыққанда, егіліп-езілмей, ешкім тыңдай алмаған бұл әнді. Өйткені, олар өмірлерін-өлеңге қосты. Өнерлерінде - өздері жүрді. Мұқағалидың өлеңінен өздерін тауып, ән салғанда, сай-сүйегің сырқырамай, тыңдау мүмкін емес еді .
Бірімізге біріміз дем берейік,
Бір арбаның астында дөңгелейік.
Жаратқан жанарын жоқ қылғанмен, таланттан тарылтпаған өнерлі өрендердің жұбы әлі жазылмапты. Сахнаға әлі де қол ұстасып шығады, тек отбасылық жағдайына байланысты, үшінші бала - Тұрар кетіпті топтан. Кешегі 12-13 жастағы балғын балалар бүгін ержеткен.
САПАРБАЙ АЛТЫБАЙ, "Сәт" тобының мүшесі:
Үш жігіт болатынбыз, қазір екі жігіт қалдық. Оның себебі 2013 мамыр айында мектеп бітіргеннен кейін ортамыздан кетті.

Видео Зағип балалардан құралған "Сәт" тобында тосын жаңалық көп канала Информбюро 31