Сайлау күні – 10 қаңтарда не болады? Сәуегейлер пікірі

Астрологтар он, нөл бір, екі мың жиырма бір сандарының тоғысқан күні - көпшіліктің энергиясы таситын күн деп отыр. Әрі бұл энергияны елдің біраз бөлігі ұрыс-керіске жұмсап қояды екен. Бұған уран ғаламшарының өте баяу жүретіні себеп болады дейді болжамшылар. Мұндай көңіл-күйден адамдар тек сайлау аяқталғаннан кейін, 11 қаңтар күні түс ауа шыға бастайды екен. Көріпкелдер де, дауыс беретін күні жұрттың жүйкесі жұқа болатынын айтып отыр.
Тәспісін тартып, болашақ күндер туралы бал ашумен айналысатын Фируза апа, әуелі «дауыс беруге елдің ағылып бара жатқанын көріп тұрмын» дейді. Бірақ, қазірден бастап жастарға жөнді жол сілтемесе, олар кез-келгеннің үгіт-насихатына еріп, арты дауға ұласуы мүмкін деп болжайды. Абыройды ақшаға сатып алмақ болғандардың шынайы бет-бейнесі де осы айда ашылады дейді ол. Дегенмен, іштен жау шықпаса, дәл 10 қаңтар күні сырттан төніп тұрған қауіп жоқ деп отыр.
ФИРУЗА БАДАЛОВА, көріпкел:
– Қоғамдағы белсенді жастар болады бұлар. Оқу орындарында жиналады. Сондай ақымақтар бар. Олар оны қылам, мұны қылам деп топалаң шығарады. Басқа жақтан еш жаман нәрсе келмейді, бәрі жақсы болады.
Ал астролог әрі нумеролог Индира Омарова дәл сайлау болатын күн - Уран ғаламшарының өте баяу жылжитын соңғы тәулігіне тұп-тура келіп тұр дейді. Индираның сөзінше, бұл күні адамдар энергиясын ұрыс-керіске жұмсап қояды. Сондықтан ол күні жаман ойдан аулақ болу керегін ескертеді.
ИНДИРА ОМАРОВА, астролог-нумеролог:
– Бұл күні жер бетіндегі адамдар үшін өте қарбаласқа толы күн болады. Үлкен мүмкіндіктерді сәтті пайдалануға жол ашық. Бірақ энергиясын жағымсыз әрекеттерге жұмсап жіберу қаупі де көп. Сондықтан, әр қадамды ойланып басқан жөн. Ескі көзқарастан арылатын, жаңаша ойлауға мүмкіндік беретін жоғарыдан өзі сигнал келеді.
Сайлаудан кейін, яғни 11 қаңтар күні түске дейін адамдардың барлығы шаршаңқы күйде болса, түс ауа бойларына қайта қуат жинала бастайды екен. Астрологтар сол күні жолда абай болуды ескертеді.

Әйгерім Ердәулет, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Сайлау күні – 10 қаңтарда не болады? Сәуегейлер пікірі канала Информбюро 31