Алматылықтар көшелерін қаза беретін мердігерлердің жұмысын наразылықпен тоқтатып тастады

Алматыдағы Думан ықшамауданының тұрғындары бүгін көшедегі құбыр қазып жатқан мердігерлердің жұмыстарын наразылықпен тоқтатып тастады. Айтуларынша олар тас жолға енді жарыдық дегенде, көшені қайта қопарып қазып бастапты. Жарты миллион беріп су құбырын тартқыздық деген тұрғындар еңбектің бәрі еш кетті деп налып отыр. Ал осыдан 3 жыл бұрын құбыр жөндеген мердігер компания су құбырларында ақау болғандықтан қайта ауыстырып жатырмыз деп ақталды.
Думанның дауы жоғарыдағыларға жетпей келе жатқанына он жыл болды дейді дүйім жұрт. Ақ жағалылардың жолы түспегесін жолымыз жөнделмейді, ауыз су берілмейді дейді. Айтуларынша биліктен береке болмағасын, әр тұрғын есік алдына тас төсеп, қолынан келгенше жолды өздері келістіріп алыпты. Енді шала жөнделген жолды қайта қазып жатқан мердігер компания, тұрғындардың жолын бөгеп тастапты.
ЕРБОЛ ӨКСІКБАЙҰЛЫ, Думан ауданының тұрғыны:
– Ондай қолдарыңнан келмесе жалпы өзі бұрынғы тұрған асфальтті бұзбаңдар дедік. Өзіміздің ана жасаған септиктеріміз бар, сонымен ақ отыз жыл тұрып келе жатырмыз.
Тендерге түскен тағдырымыз, жыл сайын әр компанияның қате жасаған жұмысына куә болады дейді мұндағы ел. Былтырғы сапасыз жол жасаған жұмысшылардың кесірі, биылғы құбыр қазғыштарға тисе, сайып келгенде зардабын халық тартады деп отыр.
ДАРИҒА ДИЛЬМАНОВА, Думан ауданының тұрғыны:
– 18 ші жылы бітеді деген біткен жоқ! 20 апрельде бітеді деген осы жоқ әлі біткен жоқ!
"Зидан" жауапкершілігі шектеулі серіктестігі, ауыз су құбырын жүргізгенде техникалық қате жібергендерін мойындап отыр. Соның салдарынан биыл қайта қазып жөндеуге мәжбүр. Ал тиісті талапты орындамаған бұл компанияға Алматы әкімдігі әлі ешбір шара қолданбаған.
ӘНУАРБЕК МАХАМБЕТОВ, "ЗИДАН" ЖШС өкілі:
– Заказчик бізде энергетика, городской акимат. Бізде қазір сумен тексерген кезде ақау шығып жатыр. Бір екі жерінен жіберіп жатыр, стык болады тесіліп қалады жаңағыдай тас тиіп, сол ақауларды устранить етіп жатырмыз.
ӘЛІБЕК ШЫНТЕМІР, тілші:
– Жылдар бойы жолымыз жасалмады деп жиналған жұртшылықтың алдына Медеу ауданының әкімі келмеді. Өйткені тұрғындардың сөзінше 2018 жылы жылдан бері толық жөнделмеген жолмен әкімнің су жаңа көлігі жүре алмайды. Ал ашынған халық Думанның дауын шешіп бермесе сайлауға да бармаймыз деп отыр!
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Алматылықтар көшелерін қаза беретін мердігерлердің жұмысын наразылықпен тоқтатып тастады канала Информбюро 31