Баяғы асаба – қазіргі механик! Карантинде адамдар қалай жан бағып отыр?

Ковидтің кесірінен Семейде кәсіп ауыстырып, бизнестерін басқа арнаға бұрғандар көп. Бірі мейрамханаларын сатылымға шығарса, енді бірі сауда нүктелерін жауып, жан бағудың жаңа жолдарын қарастыруда. Өйткені табыс көзі тоқтап тұр.
Бұл Семей қаласындағы әдетте дүркіреген тойлар өтетін мейрамханалардың бірі. Қазір есігінде қара құлып тұр. Карантин режимі той бизнесін толық тоқтатты дейді мейрамхана әкімшісі. Алайда пікір білдіруге емеурін танытпады.
ЕРЗАТ ЖАНАТҰЛЫ, тілші:
– Бұл жерде карантинге дейін дүркіреп талай той өткен. Сегіз ай болды есігі жабық тұр. Мейрамхана иесінің айтуынша, мынадай үлкен ғимаратты ұстап тұру дәл қазір қиын. Індеттің қашан, қай уақытта аяқталатыны белгісіз. Сондықтан сатылымға шығарыпты.
Азамат Оралбекұлы да асаба болып, нәпақасын қазақтың қызық-қуанышынан тауып жүр еді. Тойлар тоқтаған соң, басқа кәсіп іздеуге тура келгенін айтады.
АЗАМАТ ОРАЛБЕКҰЛЫ, асаба:
– Үйде жатпай жұмыс жасау керек деген сияқты. Үйде семья бар, бала-шаға бар. Нан табу керек деген сияқты. Сондықтан да осындай бір машина жөндейтін орталық ашып жатырмыз. Екі айдан асты жемісін көріп жатырмыз.
Киім-кешектің түр-түрін сатқан Арай да ақыры сауда нүктесін жауып тыныпты. Айтуынша саудасы жүрмеген. Сауда жүрмеген соң, жалдау құнын да төлеу қиындай түскен. Ойлана келе туристік фирмаға жұмысқа тұрыпты.
АРАЙ ӘШІМОВА, турситік фирма қызметкері:
– Осы уақытқа дейін негізінде сауда-саттықпен айналысқанмын. Осы жазда карантиннің кесірінен, саудам жүрмегеннен кейін бутигімді сатып, кейіннен осы туристік агенттігіне жұмысқа кірдім.
Кәсіптің көзін табу бар да, оны ұстап тұру бір басқа. Қазір семейлік кәсіпкерлердің көбі карантиннің салдарынан қолда бар бизнестерін жоғалтып аламыз ба деп алаңдаумен күн кешуде.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Баяғы асаба – қазіргі механик! Карантинде адамдар қалай жан бағып отыр? канала Информбюро 31