«Күлтегін» бейнеленген банкнотаны қабылдамау – заңсыздық!

Ұлттық банк «Күлтегін» ескерткішіне арналған мың теңгеліктің қолданыстан шықпағанын айтты. Өйткені кейбір кәсіпкерлер банкнотаны қабылдамайды екен. Ал мұндай әрекет заңсыздыққа жатады дейді банк өкілдері. Бұл түркі жазба ескерткіші бейнеленіп шығарылған банкнот - айналыста болу мерзімі шектелмеген заңды төлем құралы болып табылады.
2013 жылы «Күлтегін» ескерткішіне арналып, соған сәйкес бейнеленіп жасалған мына 1000 теңгелік банкнота әлі күнге дейін қолданыста. Бұл банкноттар айналыстан табиғи тозу шамасына қарай алынады. Мұндай ақшаның иесі кез келген жерде бұл ақшамен есеп айырыса алады.
САКЕН ТАЖИЕВ, ҚРҰБ Қолма-қол ақша айналысы департаментінің бас маманы:
– Әкімшілік кодексінің құқықбұзушылық туралы 206 бабына сәйкес ескерту шарасы қолданылады. Егер бір жылдың ішінде ескерту шарасы қолданылғаннан кейін қайтадан қайталанса, осы жағдай 5-тен 25 АЕК дейін дейінгі мөлшерде айыппұл салынады.
Банк қызметкерлері заңсыз әрекет орын алса, Ұлттық банк сайтында көрсетілген телефонға қоңырау шалып немесе банк филиалдарына бару керек дейді. Сондай-ақ, бейнетіркелім жасауды не банкнотты қабылдаудан бас тартудың жазбаша негіздемесін талап етіңіз.
САКЕН ТАЖИЕВ, ҚРҰБ Қолма-қол ақша айналысы департаментінің бас маманы:
– Жиырма миллион тиражбен шығарылған қазір ол айналымда жүріп жатыр табиғи тозу шамасына қарай. Яғни, ақша айналыста жүрген кезде ескіруіне байланысты біз кезең-кезеңмен оны айналыстан аламыз, қалай бітеді белгілі бір мезгілі, белгілі бір уақыты шектелмеген.
Ал сырты әбден тозған мың теңгелік банкнотаны кез келген екінші деңгейлі банктер қабылдап, басқасына ауыстырып бере алады. Мамандар ұлттық банк филиалдарына да жүгінуге болады дейді.
Гүлназ Сайлауқызы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео «Күлтегін» бейнеленген банкнотаны қабылдамау – заңсыздық! канала Информбюро 31