Ата аналар назарына! Балалардың желідегі өміріне қырағылық танытыңыз!

Қазақстанда интернет арқылы зәбір көрген балалар саны артып келеді. Ішкі істер министрлігі мамандарының айтуынша, бұған мектептердің онлайн оқуға көшуі де себеп болып отырған көрінеді. Яғни, қылмыскерлер әлеуметтік желілер арқылы балаларға психологиялық қысым көрсетіп, тіпті, суицидке дейін итермелейді екен.
Биылдың өзінде Арыс, Ақтау және Қызылорда қалаларының тұрғындары әлеуметтік желі арқылы балаларға қысым көрсеткен. Оның бірі - 13 жастағы қызды алдап-сулап жалаңаштанған денесін суретке түсіріп жіберуге мәжбүрлесе, 15 жастағы оқушы желіге анайы видеолар таратқан. Алайда ол кәмелеттік жасқа толмағандықтан, іс аяқсыз қалды. Ішкі істер министрлігі интернеттегі қылмыскерлердің көбі шетелдіктер екенін айтты. Сондықтан өзге елдің тәртіп сақшыларымен бірлесе жұмыс істейтін көрінеді. Бірақ полицейлер заңсыздықпен іс біткеннен кейін емес, алдын алып күрескен дұрыс дейді. Осы себепті ата-аналарға қырағылық танытып, балаларын бақылауда ұстауды сұрайды.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Ата аналар назарына! Балалардың желідегі өміріне қырағылық танытыңыз! канала Информбюро 31