Алматы пандемияның жаңа толқынына дайын

Алматыда карантин кезінде кәсіпорындардың жұмысы уақытша тоқтағанына қарамастан биыл салық пен төлем , 1 пайызға артығымен жиналыпты. Қала әкімі Бақытжан Сағынтаев, дағдарысқа қарсы шараларды да алдын-ала пысықтап қойдық деп отыр. Қалада екі айға жететін дәрі-дәрмек қоры бар. Пандемияның жаңа толқыны бола қалса, ауруханаларға қажетті құрал-жабдықтар да толығымен жеткілікті, тіпті сынама тапсыруда кедергі мен кезек болмайды дейді әкім.
Алматыда ковидпен күреске 100 миллиард теңгеден астам қаражат бөлінген. Пандемия кезінде үш жаңа инфекциялық аурухана салынып, қазір бұдан-бөлек 7 мыңнан астам төсек-орынға шақталған 23 ковидті стационар да дайын тұр. Осы күнге дейін 35 жедел жәрдем көлігі алынса, 10 күннің ішінде тағы 50 көлік алынады. Бақытжан Сағынтаев "енді науқастарды емдеуде еш кедергі болмайды" деп отыр.
БАҚЫТЖАН САҒЫНТАЕВ, Алматы қаласының әкімі:
– Пациенттерді диагностикалау жұмысы орталықтандырылды. ПТР тестілеуін зерттеу көлемі бүгінде тәуілігіне 14 мыңның үстінде. Кез-келген уақытта біз бұл қуаттылықты 22 мыңның үстіне шығаруға мүмкіндігіміз бар. Қалалық стационарлар көре алатын КТ, МРТ, рентген суреттерінің біріңғай қоры құрылды. Жасанды интелект негізінде айти платформа өкпенің зақымданған бөлігін барынша анықтап, нақты диагноз қоюға көмектеседі және емдеу сапасын жақсартады.
Медицина саласына шығын көп жұмсалып жатқанда, экономиканы әлсіретіп алмас үшін жаңа жобалар да қарқынды қарастырылып жатқан көрінеді. 6 жарым мың жаңа жұмыс орнын беретін индустиралды аймақтағы 53 жоба қызу пысықталып жатса, Алатау паркінде 6 мың жаңа жұмыс орынын ашу үшін 400 миллиард теңгенің идеясына татитын тың жобалар қарастырылуда екен.
БАҚЫТЖАН САҒЫНТАЕВ, Алматы қаласының әкімі:
– Қаланың 75 мың кәсіпкері салық бойынша 23 млрд теңгеге кейінге қалдырылды. 2 мың 900 кәсіпкердің 72 млрд теңге сомасына несиелері кейінге қалдырылды. Бизнесті қаржылай қолдауға 12,2 млрд теңге бөлінді.
Кәсіпкерлерден бөлек, карантинге қарамастан көпбалалы отбасылардан 888 адам өз ісін дөңгелету үшін 555 мың теңгеге дейін қайтарымсыз қаражат алыпты. Оған қоса, 203 көпбалалы ана тың идеяға толы бизнес жобасына деп 5 миллион теңгеге дейінгі грантты иеленіп үлгерген екен.
Әйгерім Ердәулет
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео Алматы пандемияның жаңа толқынына дайын канала Информбюро 31