СҚО-да тағы төрт елдімекен карантинге жабылды

Солтүстік Қазақстан облысында тағы да төрт елді мекенде карантин жарияланды. Себебі, аталмыш ауылдарда коронавирус инфекциясын жұқтырып жатқан тұрғындар саны күн санап көбейіп барады.
Мағжан Жұмабаев ауданының Таманское және Успенка елді мекені, Есіл ауданындағы Ясновка мен Явленка ауылдары бүгіннен бастап карантинге жабылды. Явленка ауылында осымен екінші рет карантин енгізілген. Мұнда өткен аптада коронавирус инфекциясын жұқтырғандар саны екі есеге дейін көбейіп кетіпті. Мәселен, нөмірі бірінші Явленка орта мектебінен ұстаздар мен оқушылар арасынан жеті адам қауіпті вирус жұқтырған. Солтүстік Қазақстан облысы әлі күнге дейін қызыл аймақтан шыға алмай келеді.
САЛТАНАТ БЕКҚОЖИНОВА, СҚО санитарлық-эпидемиологиялық бақылау департаментінің бас маманы:

– Екі аптаның ішінде Явленка ауылында коронавирус инфекциясын жұқтырғандар саны күрт көбейді. Сол себепті ол ауылды қайта карантинге жабу туралы шешім қабылданды. Елді мекенде жиырмадан артық адам вирус жұқтырған. Қазір облыстағы 11 елді мекен карантинге жабық.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

Видео СҚО-да тағы төрт елдімекен карантинге жабылды канала Информбюро 31