Мұнайлы өлкем, өркенде! | Мақат | NCOC

19 тамызда Мақат ауданында Солтүстік Каспийдегі теңіз операцияларының басталғанына 30 жыл толу мерейтойына арналған «Мұнайлы өлкем, өркенде!» атты мерекелік концерт өтті.

Ауданның орталық алаңына көптеген жергілікті эстрада жұлдыздарының тыңдармандары мен қазақстандық музыка сүйер қауым жиналды.
Кештің басты қонақтары ретінде Ақылбек Жеменей, Qanay және Qarakesek өз өнерлерін паш етті. Келген көрермен ғажайып ән мен әуеннен ләззат алып қана қоймай, әртістермен бірге күннің батуын бірге тамашалады. Музыка мен табиғат тұтастыққа ұласып, әр қатысушының есінде қалар таңғажайып сәт болды.

NCOC компаниясының өндірістік операциялар жөніндегі директоры Қуанышкерей Мұхтаров құттықтау сөзінде: «Мұнай өнеркәсібі – еліміздің экономикасының тірегі. Ал Қазақстан мұнайының тарихы осыдан 120 жылдан астам уақыт бұрын алғаш мұнай ұңғымасы ашылған Атырау облысынан, қазіргі Мақат ауданынан басталды. Осы бір ғасырдан астам уақыт ішінде мұнай-газ саласы Қазақстанның тұрақты дамуына елеулі ықпал етіп, ел экономикасының «локомотивіне» айналды», - деп атап өтті.

Бұл концерт музыканың адамдарды жақындастырып, ұмытылмас естеліктер сыйлау қасиетінің көрінісі болды.

#NCOC #30yearsNCOC #30yearsKashagan

Видео Мұнайлы өлкем, өркенде! | Мақат | NCOC канала NCOC North Caspian Operating Company