Халықаралық конференция | NCOC

Солтүстік Каспий жобасының Операторы NCOC компаниясы Атырауда Солтүстік Каспийдегі теңіз операцияларының басталғанына 30 жыл толуына арналған халықаралық конференция өткізді.

Аталған шараға ҚР Премьер-Министрінің кеңесшісі Мұрат Жүребеков, энергетика вице-министрі Әлібек Жамауов, экология және табиғи ресурстар вице-министрі Галидулла Азидуллин, Атырау облысы әкімінің орынбасары Марат Мурзиев, NCOC басшылығының, серіктес компаниялардың, өнеркәсіптік сектордың өкілдері және мұнай-газ өнеркәсібінің ардагерлері қатысты. Сонымен қатар шарада АҚШ, Әзірбайжан мен Ресейдің жетекші сарапшылары бас қосты.

Солтүстік Каспийдегі теңіз операциялары басталуының мерейтойына орай NCOC компаниясы халықаралық конференция өткізді. Конференцияның ашылу салтанатында сөз алған ҚР Премьер-Министрінің кеңесшісі Мұрат Жүребеков, энергетика вице-министрі Әлібек Жамауов, экология және табиғи ресурстар вице-министрі Галидулла Азидуллин, кіріспе сөздерінде қатысушыларға қошемет білдірді. Спикерлер өз сөздерінде Солтүстік Каспийде жүргізіліп жатқан теңіз операцияларының маңыздылығын, соның ішінде Қазақстанға шетел инвестицияларын, жаңа технологияларды, аса күрделі теңіз кен орындарын игерудің әлемдік тәжірибесін тартуға мүмкіндік бергенін атап өтті.

NCOC компаниясының басқарушы директоры Оливье Лазар мен компания директораттарының бірқатар басшылары конференцияны жалғастыра отырып, 1993 жылы басталған Солтүстік Каспий жобасына жалпы шолу жасап, оның алғашқы қадамдары туралы әңгімеледі.

Конференцияда сөз сөйлеген NCOC басқарушы директорының орынбасары Ерлан Мұқай Атырау және Маңғыстау облыстарындағы әлеуметтік жобалардың маңыздылығына тоқталды. Оның баяндамасы жергілікті халыққа қолдау көрсету үшін осы жобаларды жүзеге асырудың маңыздылығын көрсете отырып, бірлесіп жұмыс істеу мен өңірге инвестициялар салу арқасында ілгерілеушілік бар екенін айғақтады.

Шара соңында жобаны дамытуға елеулі үлес қосқан консорциум қызметкерлері мен ардагерлері «Солтүстік Каспий жобасындағы ерен еңбегі үшін» медальдарымен, мақтау қағаздарымен және алғыс хаттармен марапатталды.

#NCOC #30yearsNCOC #30yearsKashagan

Видео Халықаралық конференция | NCOC канала NCOC North Caspian Operating Company