Берекедегі жаңа амбулатория | NCOC

NCOC компаниясы Солтүстік Каспий жобасы Операторының әлеуметтік міндеттемелерін іске асыру шеңберінде салынған отбасылық-дәрігерлік амбулаторияны Атырау қаласының әкімдігіне салтанатты түрде тапсырды.

NCOC компаниясының әлеуметтік және инфрақұрылымдық жобаларының маңызды бағыттарының бірі - денсаулық сақтау нысандарының құрылысы. Күніне 50 адамға дейін қабылдай алатын отбасылық-дәрігерлік амбулатория Атырау қаласының Береке шағын ауданында орналасқан.

Функционалды түрде ғимарат үш бөлікке бөлінген: орталық бөлігінде тiркеу орны, дәріхана, дәрігерге дейінгі қабылдау кабинеті және киім ілетін орын орналасқан. Ғимараттың сол жақ бөлігінде әкімшілік, емшара кабинеттері, картотека мен егу бөлмелері бар дені сау бала кабинеті орналасады. Оң жақ бөлігінде жалпы практика дәрігерлерінің кабинеттері мен арнайы мамандардың кабинеттері, сондай-ақ бөлек кіретін есігі бар зертхана орналасқан. Амбулаториядағы күндізгі стационар мен балшықпен емдеу кабинеті науқастарды қабылдауға толық дайын.

Іс-шарада сөз сөйлеген NCOC компаниясының басқарушы директоры Оливье Лазар «денсаулық сақтау жобаларын іске асыра отырып, компаниямыз елдің тұрақты дамуына, яғни сапалы медициналық қызметтердің қолжетімді болуын қамтамасыз етуге, салауатты өмір салтын сақтауға және барлық жастағы адамдардың әл-ауқатын жақсартуға үлес қосып келеді» деді.

Солтүстік Каспий жобасының операторы әлеуметтік және инфрақұрылымдық жобалар шеңберінде Маңғыстау және Атырау облыстарында 16 медициналық мекеменің, соның ішінде ірі облыстық ауруханалар мен ауылдық медициналық пункттердің құрылысына қаржылай қолдау көрсетті. Жалпы алғанда, 1998 жылдан бері Солтүстік Каспий консорциумының операторы Атырау және Маңғыстау облыстарында жалпы сомасы 860 миллион АҚШ долларын құрайтын 227 әлеуметтік және инфрақұрылымдық жоба іске асырды.

#NCOC #ProjectAnniversary #30yearsNCOC #30yearsKashagan

Видео Берекедегі жаңа амбулатория | NCOC канала NCOC North Caspian Operating Company