NCOC СУ ТҮБІН ЖӨНДЕП ТЕРЕҢДЕТУ ЖОБАСЫ БОЙЫНША ҚОҒАМДЫҚ ТЫҢДАУ ӨТКІЗДІ | NCOC

Бұл жоба бойынша Қашаған кен орнына жақын жердегі 2021-2022 жылдары су түбін тереңдету жұмыстары жүргізілген алаңдарда су түбін жөндеп тереңдету жұмыстарын жүргізу көзделіп отыр.

Су түбін жөндеп тереңдету жұмыстары толқындар мен суасты ағыстарының әсерінен және теңіз деңгейінің төмендеуінен түрлі алаңдарда су түбінің батпақтануына байланысты кемелер жүре алатын тереңдікті қамтамасыз ету үшін қажет болып отыр. Суасты бермаларының теңіз деңгейінен 2 метрден астам төменде шахматтық тәртіпте орналасуы су айналымына және балықтар мен итбалықтардың қозғалысына/қоныс аударуына тиетін әсерді барынша азайту үшін гидродинамикалық үлгілеумен анықталғанын атап өткен жөн.

Су түбін жөндеп тереңдету жұмыстарын жүргізу кезінде бұрын су түбін тереңдету үшін қолданылған озық әдістер мен жабдықтар, атап айтқанда су астында топырақ тартатын тік құбырдан гидроқоспа шығару технологиясы мен гидравликалық жер снарядтары пайдаланылады.

Су астында топырақ тартатын тік құбырдан гидроқоспа шығару технологиясы қалқыма қатты заттектердің концентрациясын және судың лайлануын азайтуға мүмкіндік береді.

Су түбін жөндеп тереңдету жұмыстары барысында қоршаған ортаға тиетін әсерді азайту үшін қажет іс-шаралардың барлығы қолданылды.

Су түбін тереңдету жұмыстары жүргізілетін алаң теңізде балықтардың қалыпты уылдырық шашуын және құртшабақтардың ширауын қамтамасыз ету үшін кәсіпшілік балық аулау аудандарынан және пайдалану режимі шектелген аймақтардан тыс, сонымен қатар су қорғау аймақтарынан, «Ақ Жайық» резерватынан, құстар ұя салатын орындардан және итбалықтар шоғырланатын орындардан тыс жерде орналасқан.

#NCOC #Kashagan #oilandgas #Kazakhstan #Atyrau

Видео NCOC СУ ТҮБІН ЖӨНДЕП ТЕРЕҢДЕТУ ЖОБАСЫ БОЙЫНША ҚОҒАМДЫҚ ТЫҢДАУ ӨТКІЗДІ | NCOC канала NCOC North Caspian Operating Company