Илья Жақановтың «Каспий толқыны» атты ән кеші | NCOC

30 тамызда Атырау қаласында елімізге елеулі жазушы, композитор Илья Жақановтың "Каспий толқыны" атты ән кеші өтті.

Шығармашылық кеш Солтүстік Каспийдегі теңіз операцияларының басталғанына 30 жыл толуына орай Солтүстік Каспий жобасының операторы NCOC компаниясы мен Н.Жантөрин атындағы Атырау облыстық филармониясының қолдауымен ұйымдастырылды. Қаршыға Ахмедияров атындағы «Нарын» халық аспаптар оркестрі сүйемелдеген ән кешінде елімізге танымал Қазақстанның еңбек сіңірген қайраткерлері Сәуле Жанпейісова, Қайыржан Бердібай сынды күміс көмей әншілер мен өзге де өнер тарландары композитор әндерін нақышына келтіре орындап, халықтың ыстық ықыласына бөленді.

NCOC компаниясының басқарушы директорының орынбасары Ерлан Мұқай өз сөзінде: «Бүгінгі концерттің ұйымдастырылуы мен өткізілуі – Қазақстанның өте бай музыкалық мәдениетінің дамуына қосқан үлесіміз және осы мәдениетімізде ойып алар орны бар композитор, жазушы, өнертанушы, мәдениет қайраткері Илья Жақановтың ерен еңбегіне арнауымыз», – деп атап өтті.

Кеш барысында айтылған жүрекжарды тілектер мен алғыс сөздері өз орнын тауып, төл мәдениетіміздің өркендеуіне өз үлесін қосады деп сенеміз!

#NCOC #30yearsNCOC #30yearsKashagan

Видео Илья Жақановтың «Каспий толқыны» атты ән кеші | NCOC канала NCOC North Caspian Operating Company