Жаңа су тазарту нысандары іске қосылды | NCOC

NCOC компаниясы «Болашақ» мұнай мен газды кешенді дайындау қондырғысында (МГКДҚ) жаңа су тазарту нысандарын іске қосты.
Солтүстік Каспий жобасының 30 жылдығына орай NCOC компаниясы Атырау облысындағы «Болашақ» МГКДҚ-да жаңа су тазарту нысандарын пайдалануға берді. Бұл ірі жоба Астрахан-Маңғыстау су құбырынан алынатын су көлемін азайтуға және «Болашақ» МГКДҚ-дан шыққан сарқынды суларды қосымша тазарту арқылы булану тоғандарына ағызылатын тазартылған сарқынды сулардың сапасын жақсартуға арналған.

Құрлық кешенінде орналасқан жаңа су тазарту нысандарының құрылысы 2020 жылы басталды. Жұмыс көлемі МГКДҚ (қолданыстағы нысандар) аумағында қойнауқат суын тазарту қондырғысы мен су тазартуға (барлық сарқынды сулар) арналған бөлек қондырғы (жаңа нысандар) құрылысын қамтыды.

Құрылыс жұмыстарының шарықтау шегінде жұмыс алаңында бір уақытта шамамен 1500 адам (мердігерлер мен NCOC қызметкерлерін қосқанда) жұмыс істеді. Жоба жұмыстарын орындауға 3000-нан астам қазақстандық қызметкер жұмылдырылып, жабдықтардың елеулі бөлігі Қазақстанда өндірілді, бұл NCOC компаниясының жергілікті қамтуды дамытуға ұмтылысын көрсетті.

«Біздің мақсатымыз - су ресурстарын тиімді пайдалану және қоршаған ортаға әсерді азайту. Осыған байланысты «Су тазарту нысандары» жобасы өндірістік және экологиялық мәселелерді шешуге көмектесетін маңызды жобалардың бірі болып табылады. Құрылыс барысында біз озық экологиялық технологиялар мен тәжірибелерді пайдалануға ерекше көңіл бөлдік», - деді NCOC компаниясының қолданыстағы нысандарды жаңғырту жобасының бас менеджері Юрий Аманбаев.

#NCOC #Kashagan #oilandgas #Kazakhstan #Atyrau #Aktau #caspiansea #NWTF

Видео Жаңа су тазарту нысандары іске қосылды | NCOC канала NCOC North Caspian Operating Company