«Словы мацней» – Зарына Шаўко/Юлі Таўбін

Музыка Зарына Шаўко чытае верш рэпрэсаванага паэта Юлі Таўбіна «На вуліцах — мароз і маладзік...»
СЛОВЫ МАЦНЕЙ: https://youtube.com/playlist?list=PLp0aOIn3iSMH6TFxrkmM22UUjZZDz6ejb

Зарына Шаўко — музыка і вакалістка гурта сярэднявечнай беларускай музыкі «Літы Талер». Гурт створаны ў 2013 годзе і займаецца рэканструкцыяй музычнай і танцавальнай традыцыі сярэднявечнай Еўропы. У рэпэртуар уваходзяць народныя і аўтарскія песні. Зарына Шаўко займаецца яшчэ і фатаграфіяй. 22 лютага імя Зарыны з’явілася ў спісах затрыманых у Лошыцы падчас раённых шпацыраў. І нават відэа, з якога вынікала, што музыка не ўдзельнічала ў акцыі, не дало рады: Зарыну ўсё адно асудзілі на 15 сутак адміністратыўнага арышту.

Юлі Таўбін (1911-1937) — паэт і перакладчык, адзін з наймаладзейшых паэтаў-ахвяраў сталінскага тэрору. Рос у сям’і аптэкара ў Мсціславе. Там жа далучыўся да беларускага літаратурнага асяроддзя, у якое ўваходзілі Змітрок Астапенка, Аркадзь Куляшоў, Зяма Півавараў, і стаў ці не найбольш таленавітым паэтам таго асяродку. На пачатку 1930-х вучыўся ў Мінску, стаў сябрам Беларускай асацыяцыі пралетарскіх пісьменнікаў, за два гады выпусціў чатыры зборнікі вершаў. Аднак ужо ў 1933-м, у 21 год, быў арыштаваны і высланы на 2 гады ў Цюмень, паводле некаторых звестак — за ліст ад замежнай сваячкі. У Цюмені шмат займаўся перакладамі і вывучэннем замежных моў. У 1936-м арыштаваны паўторна і адпраўлены па этапе ў Мінск. Расстраляны ў «Ноч паэтаў» 29 кастрычніка 1937 года.

#словымацней #БудзьмаБеларусамі

«Словы мацней» — відэапраект ад кампаніі «Будзьма беларусамі!», Саюза беларускіх пісьменнікаў і Беларускага ПЭН-цэнтра. У ім сучасныя дзеячы культуры, якія пацярпелі ад пераследу і ціску за культурніцкія акцыі пасля выбараў прэзідэнта 2020 года, чытаюць творы сваіх папярэднікаў, асуджаных у сталінскія часы.

БУДЗЬМА РАЗАМ:
Сайт https://budzma.by
Telegram https://t.me/budzmaby
Facebook https://www.facebook.com/budzmabelarusami
VK http://vk.com/budzmabelarusami
Twitter https://twitter.com/budzma
Instagram https://www.instagram.com/budzma/

Видео «Словы мацней» – Зарына Шаўко/Юлі Таўбін канала Будзьма Беларусамі!