ನನಗೆ ನೀಡಿದ ಶಿಕ್ಷೆಯಿಂದ ನಾನಿಂದು ಶಿಕ್ಷಕನಾಗಿದ್ದೇನೆ ಬೀಳ್ಕೊಡುಗೆ ಕಾರ್ಯಕ್ರಮದಲ್ಲಿ ಶಿಕ್ಷಕರನ್ನು ಸ್ಮರಿಸಿದ ಶಿಕ್ಷಕ

ಕಡೇಗರ್ಜೆ: ನಾನಿಂದು ಶಿಕ್ಷಕನಾಗಿ ಹಲವಾರು ವಿಧ್ಯಾರ್ಥಿಗಳಿಗೆ ಶಿಕ್ಷಣ ನೀಡುವುದರ ಮೂಲಕ ನನ್ನ ವೃತ್ತಿ ಬದುಕಿನಲ್ಲಿ ಹೆಮ್ಮೆಯಿಂದ ಸಂತೋಷದಾಯಕ ಜೀವನ ನಡೆಸಲು ಹಾಗು ನಾನಿಂದು ಅವರ ಉಪಸ್ಥಿತಿಯಲ್ಲಿ ನಿಮ್ಮೆದುರು ಮಾತನಾಡಲು ಮುಖ್ಯ ಕಾರಣವೆಂದರೆ ಏನು ಅರಿಯದೇ ಪ್ರಾಥಮಿಕ ಶಿಕ್ಷಣ ಪಡೆಯುವಾಗ ನಮ್ಮ ತಪ್ಪಿಗೆ ದಂಡಿಸಿ ಶಿಕ್ಷಣದ ಜೊತೆಗೆ ಉತ್ತಮ ಸಂಸ್ಕಾರವನ್ನು ಹೇಳಿಕೊಟ್ಟಿರುವುದು.ಅವರು ನಮಗೆ ನೀಡಿದ ಶಿಕ್ಷಣ ಯಾವತ್ತೂ ಮರೆಯುವಂತದಲ್ಲಾ, ನಾನು ಯಾವಾಗಲೂ ಅವರಿಗೆ ಚಿರಋಣಿಯಾಗಿರುತ್ತೇನೆ ಎಂದು ಹಳೆಯ ವಿಧ್ಯಾರ್ಥಿಯಾದ ಚೇತನ್ ಕುಮಾರ್ ಕೆ ಎಂ ಹೇಳಿದರು.
ಅರೇಹಳ್ಳಿ: ಪಟ್ಟಣದ ಕಡೇಗರ್ಜೆ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ಸುಮಾರು 27 ವರ್ಷಗಳ ಕಾಲ ಶಿಕ್ಷಕರಾಗಿ ಉತ್ತಮ ಸೇವೆ ಸಲ್ಲಿಸಿ ವಯೋನಿವೃತ್ತಿ ಪಡೆದ ಕೃಷ್ಣಮೂರ್ತಿಯವರಿಗೆ ಹಳೆಯ ವಿಧ್ಯಾರ್ಥಿಗಳು, ಪೋಷಕರು ಶಿಕ್ಷಕ ವೃಂದದವರು ಹಾಗು ಗ್ರಾಮಸ್ಥರು ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಏರ್ಪಡಿಸಿದ್ದರು.
ಸನ್ಮಾನ ಸ್ವೀಕರಿಸಿ ಮಾತನಾಡಿದ ಶಿಕ್ಷಕರಾದ ಕೃಷ್ಣಮೂರ್ತಿ ಅವರು ನಾನು ಶಿಕ್ಷಣ ಕ್ಷೇತ್ರಕ್ಕೆ ಕಾಲಿಟ್ಟ ಈ ಊರಿನಲ್ಲಿ ಪೋಷಕರು, ಸ್ಥಳೀಯರು ಹಾಗು ಎಲ್ಲರೂ ಸಹ ಯಾವುದೇ ಬೇದ ಭಾವ ಮಾಡದೆ ನಮ್ಮವರಂತೆ ಕಂಡಿದ್ದಾರೆ.ನಾನು ಇಲ್ಲಿಗೆ ಬಂದಾಗ ಗ್ರಾಮದ ಸುತ್ತ ಮುತ್ತಲಿನ ವಿಧ್ಯಾರ್ಥಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದರು ಆಗ ಚಿಕ್ಕ ಕೊಠಡಿಗಳ ಈ ಶಾಲೆಯು ತುಂಬಾ ಹಳೆಯದಾಗಿದ್ದರಿಂದ ಎಲ್ಲಾ ವಿದ್ಯಾರ್ಥಿಗಳಿಗೆ ಶಿಕ್ಷಣ ನೀಡಲು ಕಷ್ಟವಾಗುತ್ತಿತ್ತು ಅ ಸಂದರ್ಬದಲ್ಲಿ ನನಗೆ ಸ್ಥಳೀಯ ಮುಖಂಡರ ಹಾಗೂ ಶಾಲಾ ಸಮಿತಿಯ ಪದಾಧಿಕಾರಿಗಳ ಹೆಚ್ಚಿನ ಸಹಕಾರ ಪ್ರೋತ್ಸಾಹದಿಂದ ನೂತನ ಶಾಲಾ ಕಟ್ಟಡ ಮಾಡಲು ಅವಕಾಶ ದೊರಕಿದೆ ಅಂತಹ ಸಂದರ್ಭವನ್ನು ಯಾವತ್ತೂ ಮರೆಯುವಾಗಿಲ್ಲ, ಇಲ್ಲಿಯವರೆಗೆ ನನ್ನ ಶಿಕ್ಷಕ ವೃತ್ತಿಯನ್ನು ಪರಿಪೂರ್ಣ ಮಾಡಲು ಅವಕಾಶ ಕೊಟ್ಟ ಎಲ್ಲಾ ವಿಧ್ಯಾರ್ಥಿಗಳಿಗೆ, ಸಹೋದ್ಯೋಗಿಗಳಿಗೆ,ಪೋಷಕರಿಗೆ ಹಾಗು ಗ್ರಾಮದ ಎಲ್ಲರಿಗೂ ನಾನು ಆಭಾರಿಯಾಗಿದ್ದೇನೆ ಎಂದರು.
ಈ ಸಂದರ್ಬದಲ್ಲಿ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ತಾಲೂಕು ಅಧ್ಯಕ್ಷರಾದ ಪಾಲಾಕ್ಷ ಎಸ್.ಬಿ,ಕಾರ್ಯದರ್ಶಿ ರಘುಕುಮಾರ್ , ಇ.ಸಿ.ಓ ಉಮೇಶ್,
ರವಿ,ಕಡೇಗರ್ಜೆ ವಿಜಯರಾಜ್,ತಂಗರಾಜು ಸೇರಿದಂತೆ ಶಿಕ್ಷಕ ವೃಂದದವರು,ಪೋಷಕರು,
ಗ್ರಾಮಸ್ಥರು, ಹಾಗು ಇತರರು ಹಾಜರಿದ್ದರು

Видео ನನಗೆ ನೀಡಿದ ಶಿಕ್ಷೆಯಿಂದ ನಾನಿಂದು ಶಿಕ್ಷಕನಾಗಿದ್ದೇನೆ ಬೀಳ್ಕೊಡುಗೆ ಕಾರ್ಯಕ್ರಮದಲ್ಲಿ ಶಿಕ್ಷಕರನ್ನು ಸ್ಮರಿಸಿದ ಶಿಕ್ಷಕ канала Vijay Eagle Diary