Айфон-12 ұтып алғығыз келсе, 31 арна жариялаған «Алғыс» марафонына қатысыңыз!

Мына Айфон-12-ні ұтып алу үшін 31 арна жариялаған «Алғыс» марафонына қатысу керек. Бүгінгі біздің кейіпкеріміз Семей қаласының тұрғыны Гүлнар Нокина үйі өртеніп, қиын жағдайда қалғанда қол ұшын созған мұғалім Майра Сыпатаеваға айрықша алғысын жариялап, видео жолдапты. Өйткені, қақаған қыстың ортасында анасымен, екі баласымен баспанасыз қалған қамкөңіл жанға сол кезде бірінші болып көмектескен Майра Сыпатаева екен.
Гүлнардың үйінің өртеніп жатқанын кір жайып жүрген көршісінің көзі шалыпты. Өрт кіре беріс бөлмедегі тоқтардың тұйықталуынан басталған екен. Жылға жуықтаса да жан ауыртар жағдай әлі күнге дейін Гүлнардың жадында. Гүлнар шыққанда іле газ баллоны жарылған. Сол кезде қолына құжаттарын ғана алып үлгеріпті. Осы бір қиын шақта Гүлнарға қолдан келген көмегін аямаған жандардың бірі - Майра Сыпатаева.
ГҮЛНАР НОКИНА, Семей қаласының тұрғыны:
– Ештеңе қалған жоқ бізде. Рақметімді айтқым келіп тұр. Сыпатаева Майра Қалымқызы - завучы он бесінші мектептің. Ол кісі жақсы көмектесті бізге. Ақшалай көмектесті, киіммен көмектесті. Организовали мектеп бойынша организаторский помощь бізге.
Гүлнардың айрықша алғыс айтқан жаны Майра Сыпатаева болса бүтіндей отбасын аман алып қалған Гүлнардың өзіне алғысымыз шексіз дейді. Ұстаз да жақсылықты алғыс алу үшін жасамаған. Бар болғаны - жабырқаған көңілге жылу сыйламақ ниетпен болған.
МАЙРА СЫПАТАЕВА, директордың оқу-тәрбие ісі бойынша орынбасары:
– Әрине алғыс айтып жатыр дегенде адамның бойында сондай бір ризашылық... сондай қуанасың. Дұрыс деп ойлайсың. Адамдар бір-біріне алғыс алу үшін болмаса да, бір-біріне көмектесу керек қиындық кезінде.
Гүлнар қазір анасымен, екі баласымен пәтер жалдайды. Үйін қайта жөнденуге екі-екі жарым миллион теңге ақша керек дейді. Жазда жөндеуге талпынып көрген екен. Бірақ карантин кедергі болыпты. Қазір қат-қабат тірліктен қолы қалт еткенде үйін көріп қайтады. Көретіні темірмен тұмшаланған терезелерден үміт сәулесі ғана...

Ерзат Жанатұлы, Санат Иманғали
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#марафон #Алғысым_шексіз

Видео Айфон-12 ұтып алғығыз келсе, 31 арна жариялаған «Алғыс» марафонына қатысыңыз! канала Информбюро 31