Елордадағы қанды төбелес: екі азамат көз жұмды

Нұр-Сұлтанда қанды оқиғаның салдарынан екі азамат қайтыс болды. Полиция департаментінің мәлімдеуінше, олардың біреуіне оқ тиіп, екіншісінің қарын тұсына пышақ кірген. Ал жанжалға қатысқан тағы бір 23 жастағы өрімдей жігіт елорда ауруханасының жан сақтау бөлімінде ауыр халде жатыр.
Он бір адам қатысып, екі азамат көз жұмған қанды төбелес дәл осы жерде болған. Бұл Нұр-Сұлтандағы Қырықыншы станциядағы Жабаев көшесінде орналасқан бетон зауыты. Алайда күзетшілер журналистерді зауыт аумағына кіргізбеді, тіпті, маңына да жолатпады. Қанды оқиғаның бұл жерде болмағанын айтып сендіруге тырысты.
ГҮЛНАЗ САЙЛАУҚЫЗЫ, тілші:
– Жолдың бәрі, міне, мынандай қан жоса, үстін бәрін қармен жауып тастаған. Бірақ зауыт қызметкерлерінің біреуі де төбелес туралы ештеңе білмейді, ештеңе естімеген.
Екі бірдей азаматтың өмірін қиған жанжал кеше түнгі он бір жарым шамасында болған. Полиция департаментінің таратқан ақпаратына сүйенсек, төбелес азаматтардың еңбекақы бойынша қарыздарын ала алмағандығынан туындаған. Ал 39 бен 44 жастағы қызылордалық екі азаматтың біреуі оқиға орнында, екіншісі ауруханаға жеткен соң көз жұмған. Ал оқ тиген тағы бір жігіт өте ауыр халде.
ӘЙГЕРІМ АРДАҚҚЫЗЫ, Нұр-Сұлтан қаласы Қоғамдық денсаулық сақтау басқармасының баспасөз хатшысы:
– Ота жасалып, дәл қазір реанимация бөлімшесінде. Өте ауыр жағдайда. Жас жігіт, 23 жаста.
Төбелеске 11 адам қатысқан. Дәл қазір 8 азамат ұсталған. Нұр-Сұлтан қаласы полиция департаменті Қылмыстық кодекстің адам өлтіру бабы бойынша қылмыстық іс қозғап, тергеп-тексеру амалдарын жүрізіп жатыр.
Гүлназ Сайлауқызы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Елордадағы қанды төбелес: екі азамат көз жұмды канала Информбюро 31