Аягөздегі арнайы орталықта қайтыс болған төрт балаға қатысты шулы іске нүкте қойылды

Шығыс Қазақстандағы Аякөз қаласында бір айдың ішінде қайтыс болған төрт балаға қатысты аты шулы іске соңғы нүкте қойылды. Аягөздегі бұл қайғылы жағдай күллі елді алаңдатқан еді. Бастапқыда жүргізілген тексеруде "балаларға арналған арнайы әлеуметтік қызмет көрсету орталығындағы" бүлдіршіндер өз сырқатынан көз жұмды делінді. Кейіннен кінәлілер анықталып, арнайы әлеуметтік қызмет көрсету орталығындағы үш дәрігер сотталды.
Биыл сәуір айында қайтыс болған балалардың өлімінен кейін аталған орталықта тексеру жүргізілген болатын. Облыстық әкімдіктің жанынан құрылған комиссияның қорытындысында, науқас балалар ілеспе және туа біткен аурулардан қайтыс болды делінген. Алайда, одан кейін балалардың денесіне эксгумация жасай отырып, тексеру жүргізген республикалық комиссия мүшелері жаңа деректерді анықтаған. Осы жағдайға байланысты, абайсызда екі немесе одан да көп адам өліміне әкеп соқтыру бойынша қылмыстық іс қозғалды. Сот орталықтың екі медицина қызметкерін үш жылға, тағы бір дәрігерді үш жыл алты ай мерзімге шартты түрде соттады. Оларға жазасын өтеп болған соң да бір жарым жылға дейін медицина саласында қызмет етуге тыйым салынды.
БЕРҒАЛИ МЕРГЕМБАЕВ, Аягөз аудандық сотының төрағасы:
– Балалардың жағдайы нашарлаған, өте ауыр жағдайға келгенде ғана олар ауруханаға жатқызылған. Олар ертерек дұрыс ем қабылдап, аудандық ауруханаға жатқызылған кезде олардың өліміне жол бермеуге мүмкіншілік болған. Медицина қызметкерлері қателіктер жіберген.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Аягөздегі арнайы орталықта қайтыс болған төрт балаға қатысты шулы іске нүкте қойылды канала Информбюро 31