Havyaka haadu_Gopooje 2. ಹವ್ಯಕ ಹಾಡು_ಗೋಪೂಜೆ 2 (ಗಜವದನನ ಪಾದಕೆರಗುವೆನಾ)

ಹಾಡಿದವರು_ದಿವ್ಯಾ ಹೆಗಡೆ ಭತ್ಗೆರೆ

ಹಾಡಿನ ಸಾಹಿತ್ಯ

ಗಜವದನನ ಪಾದಕೆರಗುವೆನಾ ಅಜಶಾರದೆಗೊಂದನೆಯ ಮಾಡುವೆನಾ|ದ್ವಿಜರೆಲ್ಲರು ಕೂಡಿ ಹರುಷದಿ|ಹರುಷದಿ ಗೋಪೂಜೆಯ ಪದನವ ಪೇಳುವೆನು ಹರುಷದಿ||೧||

ಹರಿಹರ ಬ್ರಹ್ಮಾದಿಗಳೆಲ್ಲ ಇರುವ ಸ್ಥಳ ಇದು ಎಂದು ತಿಳಿದು|ಗೋಪೂಜೆ ಮಾಡ್ವ ಕರಲೇಸು|ಕರಲೇಸೆಂದೆನುತಾಲೆ|ಕಾಂತೆಯೊಡನೆ ನುಡಿದಾನೆ||೨||

ಕಾರ್ತಿಕ ಶುದ್ಧ ಪಾಡ್ಯ ಬಂದಿತೆಂದೆನುತಾ|ವಿಶಾಖೆ ನಕ್ಷತ್ರವು ಬರಲು|ಗೋಪೂಜೆ ಮಾಡ್ವ ಕರ ಲೇಸು|ಕರಲೇಸೆಂದೆನುತಾಲೆ ಕಾಂತೆಯೊಡನೆ ನುಡಿದಾನೆ||೩||

ನಾರಿಯರೆಲ್ಲ ತಡೆಯದೆ ಬಂದು|ಪಟ್ಟೆ ಸೀರೆಯ ನೆರಿಗಳ ಬಿಗಿದುಟ್ಟು|ಕಡುಬು ಕಜ್ಜಾಯ ಸಮೆಯುತ್ತ|ಸಮೆಯುತ್ತ ಗೋವಿನ ಪೂಜೆಗೆ|ಅನುವಾಯಿತೆಂದೆ ನುಡಿದಾರೆ||೪||

ಹಂಡಿ ಆಕಳಿಗೆ ದಂಡೆ ಕಟ್ಟಿದರೆ|ಕೌಲೆ ಆಕಳಿಗೆ ಬೆಚ್ಚ ನಿಲಿಸಿದಾರೆ|ಕೌಲೆ ಆಕಳಿನ ಕರುವಿಗೆ|ಕರುಗಳ ಹಿಂಡಿಗೆ ದಂಡೆ ಕಟ್ಟಿದರೆ ಹರುಷದಿ||೫||

ಕಾಲಿಗಕ್ಷತೆ ಇಟ್ಟು ಹಣೆಗೆ ಕುಂಕುಮವಿಟ್ಟು|ಕೋಡಿನ ಮೇಲೆ ಪುಷ್ಪವ ಏರಿಸಿ|ಮಾಡಿದ ಕಜ್ಜಾಯಗಳನೆಲ್ಲ|ಕಜ್ಜಾಯಗಳನೆಲ್ಲ ಗೋವಿಗೆ ಗೋಗ್ರಾಸ ಬಡಿಸಿರೆ||೬||

ಪಾದದಲ್ಲಿರುವ ಭೂಮಿದೇವಿಗೂ|ನಾಲಿಗೆಯಲ್ಲಿರುವ ಸರಸ್ವತಿ ದೇವಿಗೂ|ನಡುನಾಭಿಯಲ್ಲಿರುವ ಹರಿಬ್ರಹ್ಮ|ಹರಿಬ್ರಹ್ಮ ಮೂರುತಿಗೆ ಹೂವಿನಾರತಿಯ ಬೆಳಗಿರೆ||೭||

ಬಾಲದಲ್ಲಿರುವ ಭಾಗೀರಥಿಗೂ ಬೆನ್ನ ಮೇಲಿರುವ ಈಶ್ವರ ಗಿರಿಜೆಗೂ|ಕೋಡಿನ ಮೇಲಿರುವ ಯಮಧರ್ಮ|ಯಮಧರ್ಮರಾಯಗೂ ಹೂವಿನಾರತಿಯ ಬೆಳಗಿರೆ||೮||

ಹತ್ತು ಪ್ರದಕ್ಷಿಣೆ ಮಾಡಿದ ಜನರಿಗೆ ಪುತ್ರಸಂತಾನ ಸಂಪದವಿಯ ಕೊಡುವಳೆ|ವಜ್ರದಾರತಿಯ ಬೆಳಗಿರೆ|ಬೆಳಗಿ ಕೈಮುಗಿದವರಿಗೆ|ಭೂ ಕೈಲಾಸಗಳೇ ದೊರಕುವುದು||೯||

ಗೋವಿನ ಪೂಜೆಯ ಮಾಡಿದ ಮನುಜರು|ಪಾಪವ ಕಳೆದು ಮುಕ್ತಿ ಹೊಂದುವರು|ಹೂವಿನಾರತಿಯಾ ಬೆಳಗಿರೆ|ಬೆಳಗಿ‌ ಕೈ ಮುಗಿದವರಿಗೆ ಮುಕ್ತಿ ಸೌಭಾಗ್ಯ ಕೊಡುವಳೆ||೧೦||

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

ಗೋಪೂಜೆ 1( ಪೂಜಿಸಿದನು ಹರಿ ಗೋವುಗಳಾ)
https://youtu.be/VKYeO2wlRYU

Видео Havyaka haadu_Gopooje 2. ಹವ್ಯಕ ಹಾಡು_ಗೋಪೂಜೆ 2 (ಗಜವದನನ ಪಾದಕೆರಗುವೆನಾ) канала Havyaka_Vishesha Haadugalu