Елімізде тірі адамдар өздеріне бейіт салдырта бастады

Қарағандыда тірі адамдар өздеріне бейіт салдыра бастаған. Сәулеті келіскен мазарларда әзірге жер қазылмаған. Ал имамдар алдын ала өлімге қамдану шариғат қабылдамайтын амалдардың бірі дейді. Қала бойынша зираттарға 266 гектар жер бөлінген екен. Әкімдік бұл жерлерді тіріге емес, қайтыс болғандарға бөлдік деп отыр.
ДИАНА САПАРҚЫЗЫ, тілші:
– Мына бос бейіттерді тұрғындар алдын ала тапсырыс беріп салғызып, көрін де қазғызып қойған деген бейресми ақпарат бар. О дүниеге асыққандардың аты- жөні белгісіз. Алайда бұл мазарларды әлеуметтік желі қолданушылары қос кәсіпкердікі деп шулаған болатын.
Ал имамдар тірі адамдардың алдын ала мазар салдыруы жиі кездесетін жағдай екенін айтады. Бірақ шариғат оны құптамайды.
ӨМІРЗАҚ БЕКҚОЖА, ҚМДБ Қарағанды облысы бойынша өкіл имамы:
– Ондай жағдайлар кездесіп тұрады. Кейбір адамдар өздеріне сол қабір қазып, бейітін тұрғызып, алдын ала істермен әрекет қылып жатады. Оған әрине жан- жақтан тан қалыспен қарап жатады. Өзіне-өзі алдын ала бейіт салу, өзіне қабірін қазып қою ол біздің дініміздің қағидасында, тәртібінде жоқ амал.
Әкімдіктегілер жер кодексінің 109-шы бабына сәйкес, әр қайтыс болғанға 6 шаршы метр тегін жер бөлген дейді. Бірақ жер телімі тірі адамға емес.
ЖАНДОС ЫСҚАҚ, Қарағанды қаласы жер қатынастар бөлімінің башысының м.а:
– Зираттың жерлері қайтыс болған адамдарға алты шаршы метр тегін беріледі. Қайтыс болған адамдарды жерлеу үшін.
Ал зиратты қарауға алған компанияның жаңа директоры тірі адамдардың өздеріне мазар тұрғызып қойғанынан хабарсыз екен.
Диана Сапарқызы, Александр Дорошенко
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#шариғат #ислам_амалдары

Видео Елімізде тірі адамдар өздеріне бейіт салдырта бастады канала Информбюро 31