25 желтоқсаннан бастап қай өңірлерге блок бекеттер қойылатын болды?

Маңғыстау облысында 25 желтоқсаннан бастап карантин күшейтіледі. Маңғыстау мен Атырау облыстарының арасына санитарлық пост қойылмақ. Екі өңір арасындағы емін-еркін қозғалыс тоқтайды, азаматтар тек жұмыс бабымен өңірге кіріп-шыға алады. Ал еліміздің солтүстігіндегі алты ауыл карантинге жабылды. Өйткені бұл елдімекендерде коронавирус инфекциясын жұқтырғандар саны күрт көбейген.
Солтүстік Қазақстан облысындағы Есіл ауданында Явленка, Ясновка, Николаевка және Петровка ауылдары, Жұмабаев ауданындағы Таманское ауылы мен Булаев қаласында карантин шаралары енгізіліп, елді мекендер жабылған. Ауылдарда коронавирус инфекциясын жұқтырғандар саны екі есеге артқандықтан осындай шешім шығарылыпты. Яғни, сауда орындары мен ірі орталықтардың жұмысы қысқарып, кешкі сегізден кейін тұрғындарға көшеге шығуға шектеу қойылады. Мамандардың сөзінше, вирус жұқтырғандардың көбі әлі де көрші Ресейден келіп жатқан азаматтар. Сондай-ақ тұрғындарға жаңа жыл қарсаңында ұжымдық кештерге бармай, карантин талаптарын сақтау қажеттігі қатаң ескертілуде.
СНХ: АРМАН КҮШБАСОВ, СҚО бас санитарлық дәрігері:

– Қазір облыс сары аймақта. Сол себепті біз карантин шараларын біршама жеңілдеттік. Бірақ тағы да ескертеміз. Тұрғындар карантин талаптарын сақтамаса жағдай қайтадан ушығуы мүмкін. Олай болған жағдайда бізге тағы да қатаң локдаун енгізуге тура келеді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#карантин #блок_бекеттер

Видео 25 желтоқсаннан бастап қай өңірлерге блок бекеттер қойылатын болды? канала Информбюро 31