Көпқабатты үйлердің шатырындағы мұз сүңгілерден келетін қауіп айтарлықтай

Алматыда көпқабатты үйлердің шатырындағы қалың қар мен мұз сүңгілер тұрғындарға қауіпті. Ауа-райының құбылмалы кезеңінде еріп құлайтын мұз салдарынан қаза болып жатқандар да бар дейді мамандар. Ал қаланың коммуналдық қызметкерлерін бұл аса алаңдатпайтын секілді. Өйткені қала тұрғындары шатырды тазалап жатқан ешкімді көрмедік дейді.
Алматыдағы Бостандық ауданының тұрғыны Күлшара Кушикова немерелерін аулаға жалғыз жіберуге қорқады. Шатырдағы мұздың бірнен соң бірі еріп түскенін көріп жанымды шүберекке түйіп өтемін дейді үй жанынан. Ал ойын ауласында ата-анасының қарауынсыз жүрген ойын баласы жеткілікті.
КҮЛШАРА КУШИКОВА, тұрғын:
– Біз жүгіріп шығамыз жүгіріп кіреміз. Потому что қар ана жерден тарс етіп құлайды. Вокруг столько домов я не видела тазалап жатқанын өздері еріп құлайды.
Өзі құлады дегенше өзгенің өміріне қауіп төнді деген сөз. Жауған қардың қалыңдығына қарай қататын мұз сүңгілердің де салмағы жеңіл емес. Ал мұндағы тұрғындар, осынша қауіптің бар екенін біле тұра, жауапты адамдардың тек қауіпсіздік лентасын ғана байлап құтылатынына налиды.
ӘСЕЛ ТҰРСЫНБАЕВА, тұрғын:
– Сосульки конешно біз өте уайымдаймыз в первую очередь. Одан кейін балаларды алып шығамыз, сразу айтамыз астымен жүрмеңдер деп.
Ал Бостандық ауданының әкімдігі тұрғын үйлердің жағдайын мүлде бақылауға алмайтын секілді. Өйткені біз барған тұрғын үйлердің бірде-біреуінің шатыры тазаланбаған. Айтуларынша әр үйдің тазалығы мен техникалық жағдайына сол маңдағы коммуналдық қызметкерлер жауапты. Ал қалада желтоқсан айының басынан бері 373 бала мұз бен сырғанақтан зардап шеккен.
ӘЛІБЕК ШЫНТЕМІР, тілші:
– Мұндағы тұрғындардың айтуынша шатырдағы қарды, қалаберді қатқан мұзды ешкім тазаламайды, тіпті коммуналдық қызметкерлерді де көрмейміз дейді. Ал үй айнала байлаған қауіпсіздік лентасын қамсыз жүрген ойын баласы қайдан аңғарсын деп алаңдаулы.
Әлібек Шынтемір, Думан Сүйлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Көпқабатты үйлердің шатырындағы мұз сүңгілерден келетін қауіп айтарлықтай канала Информбюро 31