Қақаған суықта жапан далада табылған бала анасына қайтарылды

Алматы облысында қыстың қақаған суығында 5 жастағы бала иен даладан табылды. Тас жолдың бойында тоңып, қорқып қалған кішкентай балаға кездейсоқ өтіп бара жатқан көліктің жүргізушісі тоқтап, көмек қолын созған.
Оқиға Жамбыл ауданындағы ауданаралық жолдың бойында болған. Періштесі қаққан ұлды Бауыржан есімді азамат қалдырмай өзімен бірге ала кетіп, әлеуметтік желілерге хабар таратқан. Қазіргі таңда Алматы облысының полициясы баланы жалғыз қалдырмаған ер азаматты марапаттайтындарын айтады. Ал балаға салғырт қарап және өміріне қауіп төндіргені үшін анасы әкімшілік жауапкершілікке тартылуы мүмкін.
СЕРІК ҮПИЕВ, Алматы облыстық Полиция Департаменті баспасөз қызметінің өкілі
– Тексеру барысында анасы баласымен бірге көрші шаруа қожалығына келгені және 5 жастағы ұлын көлікке қалдырғаны анықталды. Баласы анасын күтпей жолға шығып кеткен. Оны өтіп бара жатқан өзге көлік жүргізушісі байқап, баланы бейнежазбаға түсіріп, желіге жүктеген. Содан кейін анасын тауып, баласын қайтарған.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Қақаған суықта жапан далада табылған бала анасына қайтарылды канала Информбюро 31