Олимпиада ойындары жүлдегерінің жылқыларын белгісіз біреулер айдап кеткен

Жамбыл облысында олимпиада ойындарының жүлдегері Ақжүрек Таңатаровтың жылқыларын әлдекімдер айдап кеткен. Спортшы тал түсте жайылымда жүрген 26 жылқысы жоғалып кеткенін айтып, полицейлерге арызданыпты. Ал ұрылар алысқа ұзай қоймаған.
Жедел іздестіру шаралары кезінде Тұрар Рысқұлов ауданының 31 жастағы тұрғыны ұсталған. Ол бұрын да мал ұрлағаны үшін екі рет сотты болған екен. Қазір күдіктінің басқа да қылмыстарға қатысы бар, жоғы анықталып жатыр. Полицейлер, сезіктінің сыбайластары да болуы мүмкін дейді. Бұл іске қатысты мал ұрлығы дерегі бойынша сотқа дейінгі тергеу басталған. Ал қолды болған жылқылары қайтарылған олимпиада жүлдегері тәртіп сақшыларына алғыс айтты.
ОЛЖАС ОМАРБЕКОВ, Т. Рысқұлов аудандық полиция бөлімінің бастығы:
– Т. Рысқұлов ауданы қызметкерлерінің жедел іздестіру шарасы барасында Жарлысу ауылының тұрғыны, бұрын сотты болған азамат ұсталып, қамауға алынды. Жәбірленушіге тиесілі жылқылар толығымен қайтарылды.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео Олимпиада ойындары жүлдегерінің жылқыларын белгісіз біреулер айдап кеткен канала Информбюро 31