QIZLAR İKT-DƏ

Bu gün "Avropa" otelində İREX-in təşkilatçılığı, informasiya və
kommunikasiya texnologiyasına maraq göstərən qızların iştirak ilə
"Qızlar İKT-də-Beynəlxalq gün" adlı konfrans keçirilib. USAİD-in
dəstəyi ilə keçirilən konfransda gənc xanımların İKT sahəsində
fəaliyyətindən söhbət açılıb, "Tech Age Girls-Texnologiya əsrinin
qızları" layihəsinin qalibləri mükafatlandırılıb. Qaliblərə
filipkameralar təqdim edilib. Təhsil nazirliyinin nümayəndəsi bu kimi
tədbirlərin gənc qızların kommunikasiya texnologiyaları sahəsinə
fəallığının artmasında müsbət rolunu yüksək dəyərləndirib.
"Texnologiya əsrinin qızları" proqramına qoşulanlar İKT sahəsində
bacarıqlarını inkişaf etdirir, xüsusi biliklər alır, media
təlimlərində iştirak edir, ictimai müzakirələrə qatıla bilirlər.
Proqramın özəlliyi onun region gənlərini əhatə etməsidir.
2011-ci ildə İREX-in "Camera as Voise-Kamera səs ötürücüsü kimi" adlı
təlimlərində Azərbaycanın 10 rayonundan 110 qız iştirak edib. İREX
Azərbaycanın rəhbəri Ancela Nikoara təlimlərdə iştirak edən qızların
fəallığından razı qaldığını bildirib. "İştirakçıların sadə videokamera
və ilkin informasiya texnologiya bilikləri ilə çəkdikləri multimedia
reportajları çox maraqlıdır"-deyə o qeyd edib.
Respublikamızın müxtəlif bölgələrindən gələn qızlar"Texnologiya
əsrinin qızları" proqramının onların həyatını dəyişməsindən,
informasiya texnologiyaları sahəsində biliklərinin genişlənməsindən
razı qaldıqlarını deyiblər.

Qeyd edək ki, "Qızlar İKT-də" Beynəlxalq günü BMT-yə üzv ölkələrin
təşəbbüsü ilə keçirilir. Məqsəd informasiya və kommunikasiya sahəsində
karyera qurmaq istəyən gənc xanımları həvəsləndirmək,
cəsarətləndirməkdir. "Qızlar İKT-də" hər il aprel ayının sonuncu cümə
günü qeyd olunur. Artıq ikinci ildir ki, İREX Azərbaycanda belə bir
tədbir keçirir.

Видео QIZLAR İKT-DƏ канала OBYEKTIV tv