Алты баланы жалғыз асырап отырған әке көмекке мұқтаж

Алты баласын жалғыз өзі асырап отырған Досхан Исмағұлов әкелерге де үкіметтен көмек берілуін сұрайды. Өйткені елімізде "алтын" мен "күміс" алқа тек аналарға тиесілі. Яғни, алқамен марапатталған көп балалы әйелдер салықтан босатылады, үй алуда жеңілдіктер қарастырлады, зейнетке ерте шығады және 28 айлық есептік көрсеткішке дейін жәрдемақы төленеді. Ал әйелінен ерте айырылған Досхан Исмағұлов жұбайым көзі тірісінде күміс алқаны алып үлгермеген еді дейді. Тапқан табысым балабақша мен балалардың керек-жарағынан аспайды деген ол, көмекке мұқтаж.
Елорда тұрғыны Досхан Исмағұлов алты баланы жалғыз тәрбиелеп отыр. Жалғызбасты әке Нұр-Сұлтан іргесіндегі саяжайлардың бірінде тұрады. Балалардың үлкені 8 де, ең кішісі әлі екіге де толмаған егіздер. Өткен жылдың ақпанында жары Назира жүрек талмасынан қайтыс болған.
ДОСХАН ИСМАҒҰЛОВ, Нұр-Сұлтан қаласының тұрғыны:
– Қайтыс болды Назира. Міне 6 балам қалды. Мама помогает мне вот за детьми смотреть. Дети маленькие. У меня проблема с жильем.
Ананың жоғын білдірмей, бәйек болып жүрген балалардың әжесі - Бәтима. 67 жастағы зейнеткер немерелерінің асын дайындап, барынша көңілдерін аулауға тырысады.
ДОСХАН ИСМАҒҰЛОВ, Нұр-Сұлтан қаласының тұрғыны:
– Келінім жақсы еді. Пысық болды. Өте пысық болды. Как огонь она горела. Последний двойняшкалармен ей сказали что рожать нельзя. Сердце больное деп. +00:48 Алқа алуға үлгермеді. Айтып еді екі двойняшка последние 1 жасқа толғанда ғана беріледі деп.
Досханның жарына алты баланы дүниеге әкелгені үшін "күміс алқа" берілуі керек болған. Алайда, аналары дүниеден өткенде кішкентайлар небәрі 7 айлық еді дейді қара жамылған әке.
ДОСХАН ИСМАҒҰЛОВ, Нұр-Сұлтан қаласының тұрғыны:
– Ну мои же дети не причем, что умерла мама. Получается вот этих выплат мы не долучаем от государство. Которые должны были они получать. Вообще то это им положено.
Заң бойынша алтын, күміс алқа тек әйелдерге ғана қарастырылған. Оның үстіне, 6-шы, не 7-ші бала 1-ден асқаннан кейін ғана беріледі.
БАҚЫТЖАН ЖҮНІСБЕКОВ, Нұр-Сұлтан қаласы Есіл ауданы әкімінің аппарат басшысы:
– Заңның ішінде 6-тармаққа сәйкес "Алтын алқа" және "Күміс алқа" наградалары тек қана аналарға беріледі. Бірақ "Алтын алқа" болмаса "Күміс алқамен" наградталу, өкінішке орай, әкеге мүмкін емес. Өйткені заңда солай көрсетілген анаға деп аталып жазылған.
Досхан жәрдемақысыз тапқан табысым алты балаға бірдей жетпейді дейді. Айтуынша, өзі сияқты шиеттей балаларымен жалғыз қалған әкелер көп. Сол себепті Үкімет заңға өзгеріс енгізсе деп сұрайды.
Ақбота Базарбай, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Қайырымдылық #Мұқтаждық #көмек

Видео Алты баланы жалғыз асырап отырған әке көмекке мұқтаж канала Информбюро 31