«Үйімді бұзса, өзімді өртеп жіберемін». Әкімдік үйін қиратпақ болған азаматтың зары

Алматыдағы Алатау ауданы тұрғындары бүгін тағы да дау шығарды. Бұл жолы Томирис шағын ауданының тұрғыны әкімдік үйімді бұзса, өзімді өртеп жіберемін деп жылап отыр. Айтуынша енесінің атындағы жерге үй салып, қабырғасын тұрғызыпты. Бітуге таяғанда, әкімдіктегі атқамінерлер үйімді трактормен таптауға келіпті дейді. Өйткені бұл жердің заңды құжаты жоқ екен.
Үйімді бұзса, үйіндінің астынан өлігімді табасыңдар деп жылаған Ғалымжан бірінші топтағы мүгедек екенін айтады. Бұл үйге қаққан бір тал шегені, шекемнен аққан терге балап жуырда кіргелі отырғанмын дейді.
ҒАЛЫМЖАН СЕРІКҰЛЫ, Тұрғын:
– Бұл жер негізі енемнің атында болған бар решенисы. Осы самозахват кезінде времянка салған ол кісілер. Сонымен осылай менің денсаулығым жарамсыз болып қалғаннан кейін енді құжаты до конца бітпегеннен кейін, сенің денсаулығың жарамсыз өзің документін жәй-жәй туралап аласың дегеннен кейін салғанмын осы жерді.
Бұл отбасы жердің құжатын рәсімдеуге арыз да беріпті. Алайда өтініш қаралмады дейді Ғалымжанның жары. Сөзінше енді үй біткенде, әкімдікте белсенді болып жүрген Бағдат есімді қызметкер дәл осы жерге таласқанынын айтады. Ал өзін Алатау ауданы әкімдігінде жәй белсендімін деп таныстырған азамат, әкімдік бәрін былықтырған деп ашулы.
БАҒДАТ ҚОЖАМҚҰЛОВА, Алатау ауданы белсендісі:
– Мен акиматқа барып айтамын, неге сендер таныспенен жасатасыңдар жерді деп. Самозахват тоқтағалы, қанша жылдан бері тоқтады, елдің бәрі біледі уже 5-6 жыл болып кетті. Мен де осылар ұқсап мен де жер басып алғым келеді.
Алайда Алатау ауданы әкімдігі жерді рәсімдеу қалалық әкімдіктің жер комитетіне тиесілі деп отыр. Сондықтан шарасыз екендерін айтады. Алайда бұзуға бұйрық келсе бір күнде тоқтап тұра алмаймыз дейді.
ДӘУЛЕТ АХМЕТОВ, Алатау ауданы әкімдігінің өзін-өзі басқару комитетінің төрағасы:
– Жер комиссиясы бар, ол комииссияның шешіміне сәйкес бұл кісілердің қолында мемлекеттік акт жоқ. Бұл мемлекеттік резервте тұрған жер. Бұл жерге заңсыз үй -құрылысын басып алуы жолымен, заңсыз үй салған.
ӘЛІБЕК ШЫНТЕМІР, тілші:

– Тірнектеп тұрғызған төрт қабырғаны бұзатын болса, үй иесі өзімді өртеймін деп отыр. Ал Алатау әкімдігі бұл жерді заңсыз басып алғандықтан құжат шықпаған, сондықтан енді не өздері бұзып алсын, не сот тас-талқан етеді дейді.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#амалдың_жоқтығы #баспанасыз_қазақ

Видео «Үйімді бұзса, өзімді өртеп жіберемін». Әкімдік үйін қиратпақ болған азаматтың зары канала Информбюро 31