Басынғандық па? Ақтауда жалақы көтеруді талап еткен наразы қызметкерлер жұмыстан қуылып отыр

Ақтауда «Petro retail» компаниясының отызға жуық қызметкері "басшылықтан жалақыны 100 пайызға көтеруді талап етеміз деп, бір күннің ішінде жұмыссыз қалдық" дейді. Бензин, газ тасымалдайтын көлік жүргізушілері мен операторлар осыншама адамды жұмыстан шығаруы негізсіз деп отыр. Айтуларынша, даудың басы тек жалақыны көтеруден басталған. Әйтпесе ешқандай наразылыққа шықпай, жұмысты да тоқтатпай, тек заңды түрде талап қойдық дейді. Қызметкерлер шенеуніктерден араша сұрап, облыстық әкімдіктің алдына жиналды.
«Petro retail» серіктестігінің бір топ жұмысшысы бір күнде жұмыссыз қалдық деп ашулы. Бензин мен газ таситын көлік жүргізушілері және операторлар басшылықтың бұл шешімі негізсіз дейді. Өйткені еңбекақыны көтерсін деген талаптан кейін жұмыстан шығару ойға қонымсыз екенін айтады.
РОМАН СӘТБАЕВ, жұмысшы:
– Арыз бергенбіз 100 процент айлығымызды көтеріңіздер. Бізге нарыққа байланысты ақшамыз аз дегендей. 24 мартта еңбек шарттарың бітті деп почтамен курьермен хат жіберді. Еңбек кодексінің өзінде жазылған келісімшарт белгіленгеннен кейін екі рет ұзартылады деген. Олар екі рет емес, уже үшінші рет ұзартып бізді жұмыстан шығарып жіберіп отыр. Соған біз келісімімізді де беріп отырған жоқпыз. Негізсіз деп санаймыз.
ҚУАНЫШБАЙ ШҮРЕНОВ, жұмысшы:
– Пенсияға алты жылдай қалды. Соның өзінде келісімшартыңыз бітті деп жұмыстан негізсіз шығарып отыр. Отыз адамды бір күнде шығарып жіберді. Біздің сұрағанымыз айлығымызды көтерсін, келісімшартта жазылған заттар. Біз соны талап еттік. Соны талап еттіңдер деп негізгі түбі содан болып тұр даудың.
Жиналғандар осы күнге дейін жұмыс барысында еш салғырттық жібермегендерін айтады. Әрқайсымыз өз ісіміздің маманымыз дегендер бір күнде нәпақасыз қаламыз деп ойламадық дейді. Ал Маңғыстау облыстық мемлекеттік еңбек инспекциясында қызметкерлер жалақы мәселесі бойынша арыз жазды, дегенмен заңсыз жұмыстан шығару бойынша көмекке жүгінбеді деп отыр.
МЕРЕЙ МӘЖИТОВ, Маңғыстау облыстық мемлекеттік еңбек инспекциясының инспекторы:
– Жұмысшыларға бірнеше рет кездесулер өткізіп, жұмысшыларға тәртіптері түсіндірілді заңды шешу жолдары. Заңдылығын тексеру үшін бізге, еңбек инспекциясына арыздану қажеттігін. Алайда қазіргі таңда ондай түскен жоқ. Сонымен қатар, келісім комиссиясына мекемеге жүгінуге, келісім комиссиясына келіспеген жағдайда сот органдарына бару қажеттілігі түсіндірілді.
Түсірілім тобы «Petro retail» компаниясының кеңсесіне барып, мәселеге байланысты жауап сұраған едік. Алайда компания директорының міндетін атқарушы жауап беруден бас тартты. Ал жұмыссыз қалған азаматтар бұл істі аяқсыз қалдырмаймыз деп отыр. Енді олар сотқа жүгінбек.
Махаббат Нұржанқызы, Фархад Шадкам
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#PetroRetail #наразылық #еңбек_дауы

Видео Басынғандық па? Ақтауда жалақы көтеруді талап еткен наразы қызметкерлер жұмыстан қуылып отыр канала Информбюро 31