DADAXON YOQUBOV: JANNATIM - VATAN!

Ziyo NUR тақдим этади (махсус сон)
ДАДАХОН ЁҚУБОВ: ЖАННАТИМ – ВАТАН!

09.06.2018

Халқимизнинг севимли журналисти, 90-йиллар бошида Ўзбекистон ойнаи жаҳонида ўзининг ёрқин ижоди билан порлаган юлдуз, Ўзбекистонда хизмат кўрсатган санъат арбоби, устоз Дадахон Ёқубовни, куни кеча, ижтимоий тармоқлар орқали топиб, суҳбатлашганимиздан бошимиз кўкларга етди...

Дадахон Ёқубов ҳақида қисқача маълумот:

Таниқли ўзбек журналисти Дадахон Ёқубов 1954 йилнинг 20 апрелида Андижон вилояти, Жалақудуқ тумани, “Ойим” қишлоғида таваллуд топган.

1979 йилда Тошкент давлат университетини тамомлаган.

Иш фаолиятини тележурналист сифатида бошлаган Дадахон Ёқубов, "Ҳаёт қувончлари ва ташвишлари" теледастури ҳамда "Наврўз" узлуксиз кўрсатуви билан элга танилган.

1992 йил май ойида ташкил етилган "Наврўз" хайрия жамғармасига раислик қилган.

"Ҳаёт қувончлари ва ташвишлари", "Муҳаббат мавсуми" бадиий-публицистик китобларида инсонни эъзозлаш, миллий қадриятларни улуғлаш, "Наврўз" анъаналарини кенг тарғиб қилиш, теран, айни дамда оддий ижтимоий-фалсафий фикрлар орқали Ватанга муҳаббат ғоялари акс этган.

1990-95 йилларда мустақил Ўзбекистоннинг биринчи парламенти - Олий Кенгашда Халқ депутати бўлган.

1999 йилда "Меҳнат шуҳрати" ордени билан тақдирланган.

Дадахон Ёқубовнинг беш фарзанди ва ўн набираси бор.

Устоз журналистнинг ҳаёти ва фаолиятига доир тўлиқ маълумотларни кейинги дастурларимизда батафсил ҳикоя қиламиз.

Қуйида Ziyo NUR студияси томонидан тайёрланган “Қалблардаги Наврўз садоси” номли адабий-бадиий дастуримизни эътиборингизга ҳавола қиламиз.

“Умр” ва “Ибодат” шеърларини Дадахон Ёқубов, “Ўзбекнинг қўшиғи” шеърини эса, Улуғбек Бакир ўқиган.

*****
Дастур давомийлиги: 8 дақиқа 44 сония

Ziyo NUR студияси маҳсулоти

Муаллифлик ва бошқа ҳуқуқлар Ziyo NUR студиясига тегишли

Муаллиф, продюсер: Улуғбек Бакир (Норвегия)

Техник муҳаррир, монтажчи: Зиё Нур (Ҳолландия)

E-mail: ubakirov@gmail.com

Видео DADAXON YOQUBOV: JANNATIM - VATAN! канала Ziyo NUR