“SO’ZDAN YARALGAN HAYOT”: LOLA HATAMOVA BILAN EKSKLYUZIV SUHBAT, yakuniy 3-qism - Ziyo NUR

“СЎЗДАН ЯРАЛГАН ҲАЁТ”: ЛОЛА ҲАТАМОВА БИЛАН ЭКСКЛЮЗИВ СУҲБАТ, якуний 3-қисм (адабий-биографик-ҳужжатли-мусиқий дастур)

Таниқли ўзбек журналисти, машҳур сиёсий шарҳловчи ва моҳир таржимон Лола Ҳатамованинг ҳаёти ва фаолиятига бағишланган “Сўздан яралган ҳаёт” номли дастуримизнинг якуний 3-қисмида Лола Ҳатамова билан асосан:

- Ўзбекистон телевидениесида бирга ишлаган сухандон ва журналистлар;

- Ўзбекистоннинг собиқ биринчи раҳбарлари;

- Ислом Каримовнинг рафиқаси Татьяна Каримова;

- Ва янги Президент Шавкат Мирзиёев билан боғлиқ хотиралар ҳамда бугунги ўзгаришлар даври ҳақида суҳбатлашдик.

Мазкур дастуримизнинг якуний 3-қисмида, асосан, Лола Ҳатамовани яқиндан таниган, у киши билан бирга таҳсил олган, бирга ишлаган бир қатор ўзбек зиёлилари ўзларининг ёрқин хотиралари билан ўртоқлашганлар:

Биз билан суҳбатда машҳур ёзувчи ва рассом Дадахон Нурий (Ўзбекистон) Лола Ҳатамовага мактаб даврларида ҳинд тилидан сабоқ берган вақтларини хотирлаб ўтади...

Таниқли журналист ва сиёсат арбоби Жаҳонгир Муҳаммад (АҚШ) Лола Ҳатамова билан бирга ишлаган вақтларини яхши эслайди...

Ўзбекистондан таниқли журналист ва шоира Умида Абдуазимова Лола Ҳатамова билан бирга таҳсил олган талабалик йиллари ҳақида ўзгача завқ-шавқ билан сўзлайди...

Лола Ҳатамованинг ярим асрлик қадрдон дугонаси, шарқшунос ва журналист Феруза Толипова (АҚШ) талабалик даврлари ҳақида мароқ билан гапиради...

Таниқли тадбиркор, фан доктори Шоира Ҳасанова (Канада) биз билан суҳбатда, Лола Ҳатамова ҳақида хотиралари ва яқинда бўлиб ўтган Нью-Йоркдаги Наврўз байрами учрашуви ҳақида атрофлича ҳикоя қилади...

Лола Ҳатамованинг ашаддий мухлисларидан: Тошкентдан педагог Муҳаррам Мирзаева ҳамда санъаткор Дилафруза Мирзаевалар узоқ йиллардан кейин Лола опанинг яна жамоатчиликка кўриниш берганидан бағоятда шод эканлигини айтадилар.

Дастуримиз поёнида Лола Ҳатамова ўзининг азиз мухлисларига миннатдорчилик ўлароқ, видео-мурожаат билан чиқиш қилади.

Ҳамда илтимосимизга биноан, ҳиндча "Менинг маҳбубам” қўшиғини хирогойи қилиб беради.

Лола Ҳатамова билан бўлган қизғин суҳбатимиз шу тариқа ўз якунига етди.

“Сўздан яралган ҳаёт” номли уч қисмли дастуримизни тайёрлаб, Сиз азиз мухлисларимизнинг эътиборингизга ҳавола қилар эканмиз, энг аввало, бундан беҳад мамнунлигимизни яна бир бора алоҳида таъкидлашни истардик.

Зотан, милёнлаган ўзбек телетомошабинларининг қалбидан чуқур жой эгаллаган машҳур ойнаи жаҳон юлдузи - Лола Ҳатамованинг чорак асрдан кейин яна соғинган дилларга қайтиши кенг жамоатчилик ва мухлислар томонидан қиғзин қарши олинди.

Сизлардан келган ва келишда давом этаётган кўплаб мактуб ва хабарларингиз бунинг ёрқин инъикиосидир.

********

Ушбу кўрсатувимиз яратилишида бизларга яқиндан ёрдам берган, Лола Ҳатамова билан боғланишимизда асосий кўмакчимиз бўлган таниқли тадбиркор Шоирахоним Ҳасановага яна бир бора алоҳида миннатдорчилик билдирамиз!

Ўзларининг ёрқин хотираларини биз билан бўлишиб, суҳбат берган барча азиз инсонларга ҳам кўп раҳматлар айтамиз!

********

Дастурда фойдаланилган материаллар (1-2-қисмлар учун):

“Жаноб 420” (1955 й.) ҳинд бадиий филмидаги “Mera joota hai Japani” (“Менинг пойабзалим японларники”) ва “Ichak dana, bichak dana” (“У ёқда ҳам дона, бу ёқда ҳам дона” (Анор тўғрисидаги топишмоқ)) қўшиқлари;

“Сангам” (1964 й.) ҳинд бадиий филмидаги “Bol Radha, bol Sangam” ("Айт, Радҳа, дилларимиз қачон бирлашади?") ва “Har dil jo pyar karega” (“Севгига мубтало дил”) қўшиқлари;

Раж Капур ва Бобомурод Ҳамдамовларнинг Тошкент Халқаро кинофестивалидаги учрашувига бағишланган “Икки буюк истеъдод учрашуви” номли ҳужжатли филмдан лавҳа. “Ўзбектелефильм”, 1982 й.;

"Ялла" фильм-концертидан лавҳа. “Ўзбектелефильм”, 1978 й.;

Муножот Йўлчиева, "Муножот" ашуласи;

3-қисм учун:

Интервью берганлар:

Дадахон Нурий – тилшунос, ёзувчи, рассом (Ўзбекистон);
Жаҳонгир Муҳаммад – журналист, тилшунос, сиёсат арбоби (АҚШ);
Умида Абдуазимова - журналист, шоира (Ўзбекистон);
Феруза Толипова – журналист, шарқшунос (АҚШ);
Шоира Ҳасанова – тадбиркор, фан доктори (Канада);
Муҳаррам Мирзаева – педагог (Ўзбекистон);
Дилафруза Мирзаева – санъаткор (Ўзбекистон)

“Pardes” (“Бегона юрт”) (1997 й.) ҳинд бадиий фильмидаги “Meri Mehbooba” ("Менинг маҳбубам ”) қўшиғи;

Ўзбекистон МТРК архивидан олинган айрим суратлар;

Лола Ҳатамова шахсий архивидан тақдим қилинган кўплаб тарихий суратлар;

Баъзи фотосуратлар интернет тармоғидан олинган.

********

Дастур давомийлиги: 54 дақиқа 28 сония.

Ziyo NUR студияси маҳсулоти.

Муаллифлик ва бошқа ҳуқуқлар Ziyo NUR студиясига тегишли.

Муаллиф ва суҳбатдош: Улуғбек Бакиров (Норвегия)

Техник муҳаррир ва монтажчи: Зиё Нур (Ҳолландия)

E-mail: ubakirov@gmail.com

(Изоҳ: Видео сифатини “480p” га мосласангиз, тасвирлар янада тиниқлашади)
- 2017 -

Видео “SO’ZDAN YARALGAN HAYOT”: LOLA HATAMOVA BILAN EKSKLYUZIV SUHBAT, yakuniy 3-qism - Ziyo NUR канала Ziyo NUR