Кога се прави ехосонографскиот преглед на колкови кај новороденчиња? Д-р Александра Димова

Препорака е првиот ехосонографски преглед на колкчињата кај новороденчето да се направи до 40тиот ден по раѓањето. Кај бебиња кои имаат семејна анамнеза за развојна дисплазија на колк овој преглед треба да се направи и порано, најдоцна до 2 недели по раѓањето.

Од исклучителна важност е да се донесе бебето навремено на овој преглед, бидејќи доколку постои диспластичен или/и исчашен колк лекувањето треба да се започне што порано.Зглобот во првите неколку месеци после раѓањето има голем биолошки потенцијал да се ремоделира, а исто така и околните структури – мускули, тетиви и лигаменти на почетокот се со нормална структура што го олеснува процесот на третирање, за разлика од подоцна кога стануваат затегнати и нееластични.Затоа успехот на третманот многу зависи од тоа кога истиот ќе започне.

Лекувањето на оваа возраст најчесто се сотои во поставување на ортопедско помагало- таканаречени Павликови каиши кои ги држат колкчињата во позиција која овозможува главата на бутната коска да лежи на чашката и да стимулира нејзино правилно формирање.

Таа позиција се ноџиња свиткани околу 90-110 степени кон мешето и раширени кон надвор. Навремено откриената дисплазија успешно се третира на овој начин. Во текот на целиот третман состојбата редовно се следи повторно со ехосонографски прегледи.

Доколку дисплазијата не се открие на време, третманот станува посложен, потребно е поставување на гипсена имобилизација, а не ретко и хируршка интерванција. Оттаму е големата важност на навремено изведување на оваа дијагностичка процедура.

Видео Кога се прави ехосонографскиот преглед на колкови кај новороденчиња? Д-р Александра Димова канала One Hospital