Какви видови на интраартикуларни инјекции има? Д-р Александра Димова

Постојат три вида на интраартикуларни инјекции.Првиот тип се кортикостероидни инјекции или така наречени блокади.

Овој вид на инјекции содржат комбинација на кортикостероиден препарат кој што има силно противвоспалително дејство, како и локален анестетик кој освен што дава моментален ефект на обезболување, ја прави и самата апликација побезболна и попријатна.

Кортикостероидните инјекции не ја лекуваат самата причина на проблемот со зглобот, туку имаат за цел да ги намалат симптомите – пред се да ја намалат болката кај пациентот додека се дојде до најсоодветниот третман за конкретната состојба на зглобот.

Друг вид на интраартикуарни инјекции претставуваат хијалуронските инјекции. Тие содржат желатинозна маса составена од хијалуронска киселина. Хијалуронската кислеина е природна супстанца која ја има во нашето тело и се содржи во високи количини во нашите зглобови. Се однесува како природен подмачкувач и шок абсорбер на зглобот и е неопходна за правилно функционирање на зглобот.

Со овој вид на инјекции директно се заменува намалената количина на хијалуронска киселина во зглобот внесувајќи ја директно во оштетенито зглоб каде ќе ја обложи зглобната рскавица.

Третиот вид на интраартикуларни инјекции се така наречените ПРП инјекции. ПРП е кратенка која се однесува на plateles reach plazma, или плазма богата со тромбоцити. Овој вид на инјекција претсавува биолошка метода односна автологна терапија која ја користи сопствената крв на пациентот.

Од пациентот се зема венска крв и истата се центрифугира, а потоа од неа се одвојува плазмата која е богата со тромбоцити и содржи неколку видови на фактори на зацелување кои делуваат стимулативно во различни состојби на повредени и оптетени зглобви.Плазмата потоа во вид на интраартикуларна инјекција се внесува директно во зглобот.

Видео Какви видови на интраартикуларни инјекции има? Д-р Александра Димова канала One Hospital