Кога се користат интраартикуларни инјекции? Д-р Александра Димова

Зглобовите претставуваат структури кои се составени од краевите на две или повеќе соседни коски и се обложени со зглобна рскавица. При различни повреди или заболувања на зглобовите, како и со самото биолошко стареење на организмот зглобната рскавица се оштетува и уништува, што кај пациентите предизвикува болка и намален обем на движења во зглобот.

Доколку лековите што се даваат како терапија за пиење на пациентот (аналгетици, противвоспалителни лекови, колагенски и хијалуронски суплементи итн) не се доволни да ги смират симптомите, ортопедот ќе препорача во лекувањето да се вклучат и интраартикуларните инјекции. Кортикостероидните инјекции или блокади се препорачуваат кога пациентот има силни болки кои не реагираат на медикаментозната терапија.

Тие не го лекуваат самиот процес но имаат брз ефект додека се одбере најсоодветнито третман за проблемот на зглобот. Понекогаш може да се употребат и во дијагностички цели- за да се потврди или исклучи одреден процес кој с одвива во зглобот. Со овој вид на интраартикуларни инјекции треба да се внимава кај пациенти кои имаат дијабет, бидејќи кортикостероидот го подига нивото на шеќер во крвта.

Кај пациенти кои имаат оштетена зглобна рскавица најчесто во склоп на дегенеративен процес (артроза), најсоодветни се хијалуронските интраартикуларни инјекции кои имаат за цел за одредeн период да ја обложат оштетената рскавица и да го подобрат подмачкувањето на зглобот.

ПРП инјекциите претставуваат понова метода која ги користи потенцијалите на самиот организам на пациентот кои се соджат во неговата крв и најчесто се употребува после различни типови на спорстки повреди, како и после артроскопски (минимално инвазивни) хируршки интервенции на зглобовите.

Видео Кога се користат интраартикуларни инјекции? Д-р Александра Димова канала One Hospital