Како се аплицираат интраартикуларните инјекции? Д-р Александра Димова

Интраатртикуларните инјекции треба да се аплицираат од страна на доктор специјалист од областа на ортопедијата и во соодветна установа.

Важно е да се истакне дека апликацијата на интраартикуларните инјекции треба да се врши од кавлификувано лице и во адекватни услови, бидејќи ако истото не се изведе правилно можно е да се случи сериозна компликација во вид на инфекција на зглобот, која е сериозна состојба и може да доведе до уништување на зглобот.

Интраартикуларните инјекции се аплицираат во стерилни услови, во посебна просторија која се нарекува асептична сала. На пациентот не му е потребна претходна подготовка.Зависно од зглобот во кој треба да се стави инјекцијата пациентот легнува или седнува во одредена положба. Ортопедот става стерилни ракавици а потоа го чисти и дезинфицира зглобот кој што треба да се боцне.

За помала болка и дискомфорт најчесто во комбинација со содржината што се внесува во зглобот се дава и локален анестетик. Откако ќе се вбризга инјекцијата зглобот нежно се раздвижува за вбризганата содржина да се распореди рамномерно во целиот зглоб. Местото на убодот се покрива со стерилен фластер кој треба да стои уште неколку часа по апликацијата.

Целата процедура трае 5-10 минути, по што пациентот го задржуваме уште некое време да го проследиме заради евентуална појава на алергиска реакција пред да го пуштиме да оди дома.

Доколку се работи за ПРП инјекција истата прво се подготвува непосредно пред апликацијата, на начин што со специјални шприцови се вадат неколку милилитри венска крв од пациентот, крвта потоа се центрифугира 5 минути на 2500 обртаи, се издвојува површинскиот слој кој всушност е плазма богата со тромбоцити и понатака се продолжув со интраартикуларна апликација на плазмата на ист начин како и за другите видови зглобни инјекции.

Видео Како се аплицираат интраартикуларните инјекции? Д-р Александра Димова канала One Hospital